Lukas 20:23 - Alkitab Duri

²³ Apa naissen Puang Isa to lan penawanna joo tomekutana.

Lukas 20:23 Referans Kwoze

1 Korintus 3:19

Nasaba' ia to disanga kapaissenan lan tee lino, nasanga kabangosanri ia Puang Allataala. Diuki' lan Sura' Allataala kumua, “Kadanna to tossanga kalena paissen nanii njokkoi Puang Allataala.”

Ibrani 4:13

Moi mesa' to apa kepenawa te'da membuni jio olo-Na Puang Allataala. Sininna apa pajan jio olo-Na Puang Allataala. Na la tapebalii to panggaukanta' lako Puang Allataala.

1 Korintus 10:9

Danggi' tacoba-coba mpamagalli Puang Allataala, susi to napugauk tuu lako tau pira' tonna anu', namate natitto ulah keipo.

Lukas 20:20

Jaji natuntunanni wattu melo. Nasuai to tau nnaran-naranni. Ia joo tau naanggai' bang susi tomelo apa sitonganna den akkattana la nnangahhi to kada sala-Na Puang Isa, anna wa'ding mparapa'i lako gubernur nasessai.

Lukas 6:8

Apa naissen Puang Isa to lan penawanna tuu lako tau. Iamo joo nakuanni joo tomate sangbali limanna, “Maleko mai, mujenjen lan tangnga.” Ke'dehmi, najenjen.

Lukas 5:22

Apa naissen Puang Isa apa to lan penawanna tuu lako guru agama sola to-Farisi. Iamo joo nakuanni, “Apara to mipikkiri'?

Matius 22:18

Apa naissen Puang Isa to lan penawanna joo tomekutana, iamo joo nakuanni, “Ee, tomajekkong! Ciapari micobana'?

Matius 16:1

Den ba'tu pira-pira to-Farisi sola to-Saduki ratu la ssedei to Puang Isa. Meta'dai anna pugauk tanda mejangngaran, la mpamanassai kumua ia to kuasan-Na pole jio tongan mai Puang Allataala.

Lukas 20:22

Iamo joo la mekutanakan kumua, ‘Ianna situru' atoran agamanta', wa'dingriki'ka mbajah sima lako Tomaraja Roma, ba'tu te'daraka?’ ”

Lukas 20:24

Iamo joo nakuanni, “Pakitanna' to doi' dinar. Indara sipugambara' sola sipusanga tee?” Napebalii nakua, “Tomaraja Roma.”

Jamanna Rasulu' 13:10

Nakuanni, “Ee bati'na Ballisi'! Ewalinnako sininna kameloan! Topangnguraga la'da'ko! Te'daraka mulantorroi hhalangngi akkatta-Na Puang Allataala mpasalama' tolino?

Efesus 4:14

Te'damo tasusi tontamane' matappa' napamale melako mangrupa-rupa pangngajaranna tokalasi, to madoang mpalao sala ba'tu nnuragaki'.