Lukas 2:9 - Alkitab Duri

⁹ Ta'pa denmi malaeka'-Na Puang Allataala mpapajan kalena, naarrangngi arrang kamala'biran pole jio mai Puang Allataala nnarrangngi tuu lako tomangrewa, na liwa' simalajatan.

Lukas 2:9 Referans Kwoze

2 Korintus 3:18

Na ia tee too tapupangngarrangmo to kamala'biran-Na Puang, te'damiki' susi to nasamboi kaen to lindota'. Iamo joo samasai-sainna ia to sipa'ta' la susi sipa'-Na Puang, na saendek-endekkena to kamala'biranta' nabenki' Roh Allataala.

Pengkitanna Yahya 18:1

Mangkai joo too ngkita omo' malaeka' laen mellao jao mai suruga. Nnampui kuasa matonggo, nnarrangngi sininna lino.

Jamanna Rasulu' 27:23

Nasaba' ia to Puang Allataala kusompa kupupuang too, ssua malaeka'-Na pubongi' ratu jio sa'deku',

Jamanna Rasulu' 5:19

Apa ia tonna bonginna, den malaeka'-Na Puang ntimbakanni joo ba'ba pangtarungkuan, napasunni to rasulu'. Nakua joo malaeka' ngkuanni,

Yahya 12:41

Napau jolomo Nabi Yesaya susi joo mpau Puang Isa, sanga mangkamo nakita to kamala'biran-Na.

Lukas 24:4

Jenjen bangmi ntuu jio, sanga pussakki ntangngahhi joo, ta'pa denmi dua tau ke'deh jio sa'dena mangpakean cumbia'-bia'.

Pengkitanna Yahya 20:11

Mangkai joo too ngkita omo' cadokkoan mala'bih mabusa na matonggo, na Puang Allataala cumadokko jao. Ia to langi' sola lino lanynya'i jio mai olo-Na nate'damo dikita.

Ibrani 12:21

Liwa' meka'baran bulu joo apa nakita to-Israel, iamo joo nakua Nabi Musa, “Malaja'na' na kumbe'beh!”

1 Timotius 3:16

Te'da mesa' tau tanglantongananni kumua liwa' ia mala'bihna to pangngajaran kasaranian, to tangkaissenanpa tonna anu', apa ia tee too napangpeissenanmo Puang Allataala. Susi tee joo pangngajaran kasaranian, “Mentolinomo Puang Isa Almaseh. Napabuttii Roh Allataala kumua Iamo napusannang Puang Allataala. Nakita sininna malaeka', napangpeissenanni tau lako sininna bangsa. Nakatappa'i tolino, naangka'i Puang Allataala tama suruga.”

2 Korintus 4:6

Ia tonna padenni Puang Allataala tee lino mangkadai nakua, “La ollong to arrang lan kamalillinan.” Ia toomo nnarrangngii to penawanta', antakullei nnissenni to kamala'biran-Na Puang Allataala to mangngarrang jio lindo-Na Almaseh.

Jamanna Rasulu' 12:7

Tangdikalannai naden malaeka'-Na Puang ke'deh jio sikandoppi' Petrus na den to arrang mangngarrang lan joo pangtarungkuan. Natundanni to Petrus, naroge-rogei to ajena nakuanni, “Ee! Mi'cokko madoi'!” Ta'pa tibuka bang unami to rante lan mai limanna.

Lukas 1:28

Ia tonna ratumo lako, mangbere sallangmi nakua, “Salama', nabarakka'imoko Puang Allataala narande pala'ko.”

Matius 1:20

Apa ia tonna mangpikkiri' susi joo, mamma'mi namangtindo. Nakitai lan tindona to malaeka'-Na Puang Allataala mpangkadaii nakua, “Ee, Yusuf, bati'na Raja Daud, danggi' mubata sibali to Maryam, nasaba' ia to kakeba'tanganna jajii sanga kuasan-Na Roh Allataala.

Lukas 2:8

Ia joo bongi, den ba'tu pira-pira tomangrewa torro bang jio tangnga padang salean kota, njagai bembala'na.