Lukas 2:7 - Alkitab Duri

⁷ Njajianmi pea muane, anak pamungahna, nakalemu'imi, napamamma'i jiong kandean olok-olok susi issong londe to nanii jarame, sanga te'damo ngenan nanii mangbongi.

Lukas 2:7 Referans Kwoze

Galatia 4:4

Apa ia tonna dete'mi to wattu napattantu Ambe' Puang Allataala, nasuami to Anak Allataala mentama lino. Najajianni mesa' baine, na nturu' atoran agama,

Yahya 1:14

Ia joo Kada mentolinomi namari'pihmi lan tangnga-tangngata'. Takitamo to kamala'biran-Na, to natarima jio mai Ambe' sanga Ia Anak tungga'-Na. Iamo joo Anak mpamanassa tonganni to Puang Allataala sola pangpakamoja'-Na.

2 Korintus 8:9

Miissen kumua gaja napakamoja' kamu' Puangta' Puang Isa Almaseh. Sugih Ia, apa mpupengkaasi-asii kalena nasaba' kamu', anna ia joo kakaasi-asian-Na mpupessugih kamu'.

Matius 1:25

Apa te'dapa namamma' sola ratu lako kakeanakanna. Na ia tonna jajimo joo pea, nasangaimi Yusuf, Isa.

Matius 8:20

Mebalimi nakua, “Cinggallun den ia lo'ko'na, sola manuk-manuk den ia serangna, apa ia tee Aku', Anak Mentolino, te'da ngenan kunii mamma'.”

Matius 13:55

Tanganakkanaraka Ia pande bola, na Maryam to indo-Na? Na ia to sile'tona, iamo to Yakub, Yusuf, Simon na Yudas.

Lukas 10:34

Malemi ngkandoppi'i, nabasei anggoro' to kojongna, najampii minynyak, namane' mba'ba'i. Napade'i keledainna, nabawai lako bola pangbongian, naparakai meloi.

Lukas 2:6

Ia tonna jiomo kota Betlehem sola dua, nadete'mi wattu kakeanakanna Maryam.

Lukas 2:8

Ia joo bongi, den ba'tu pira-pira tomangrewa torro bang jio tangnga padang salean kota, njagai bembala'na.