Lukas 2:37 - Alkitab Duri

³⁷ namate muanena. Na ia tee wattu karuami pulona a'pa' taunna umuru'na. Te'da bang nasalai Bola Puang Allataala, massambajang na puasa ssompa tarruh Puang Allataala.

Lukas 2:37 Referans Kwoze

1 Timotius 5:5

Ia to baine te'damo muanena na te'damo tau njaranai, mellao doang tarruhhi mpeta'da pangkamasean-Na Puang Allataala, sanga ia mandamora narannuan.

Jamanna Rasulu' 14:23

Naangka' tooi Paulus sola Barnabas to pekaamberan lan simesa'-mesa' jamaa. Puasai sola massambajang jolo', namane' mpangbenni joo pekaamberan lako Puang to nakatappa'i.

Jamanna Rasulu' 13:3

Ia tonna mangka puasa sola massambajang, napassambajanganni to Barnabas sola Saulus, namane' ssuai sola dua male.

Jamanna Rasulu' 26:7

Na ia toomo joo narannuan, namassompa allo-bongi lako Puang Allataala to sangpulo dua pangrapuanna to-Israel. Anna ia toomora kita' tee napasalana' to-Yahudi, sanga kurannuan joo basse.

Pengkitanna Yahya 7:15

Iamo joo nake'deh jio olo cadokkoan mala'bih-Na Puang Allataala nasompai allo-bongi lan Bola Puang Allataala. Na ia to tocumadokko jao, la torroi sola naampaii.

Pengkitanna Yahya 3:12

Na ia to topatalo la kupenjaji ariri lan Bola-Na Puang-Ku', Puang Allataala anna la torro tarruh lan te'da cappa'na. La kuuki'i jio kalena joo tau to sangan-Na Puang-Ku', Puang Allataala, na sanga kota-Na, iamo Yerusalem baru to la mellao jao mai suruga jio mai Puang-Ku', Puang Allataala.

Lukas 5:33

Den tau nakua lako Puang Isa, “Ianna anak gurunna Nabi Yahya sola anak gurunna to-Farisi, tuli puasa na massambajang, apa ianna anak gurun-Ta' kumande bang ia namangngiso'.”