Lukas 19:28 - Alkitab Duri

²⁸ Ia tonna mangkamo mpau ngasanni Puang Isa joo, menjolomi mpatarruh kalingkan-Na de' kota Yerusalem.

Lukas 19:28 Referans Kwoze

Lukas 9:51

Ia tonna la madoi'mo Puang Isa diangka' de' suruga, nakuamo, “La malena' de' kota Yerusalem.”

1 Petrus 4:1

Mangkami Almaseh mperasai kamapa'dikan jao kaju sitamben. Iamo joo moi kamu' la sadia toda kamu' mperasaii susi to naperasai Almaseh. Sanga ia to tomangkamo mperasai kamapa'dikan susi joo cia'mo mpugauk dosa.

Ibrani 12:2

La tapugaukmi tapatuju lakoi Puang Isa to penawanta', to mpadenni to kamatapparanta', napupenjajiki' masaranian. Gaja mesirisan joo kamatean jao kaju sitamben. Apa moi nasusi joo te'da nasipattekanni, sanga ia manda naingaran to kamasannangan la naperasai undinna. Na ia tee too cumadokkomi jio kananna cadokkoan mala'bih-Na Puang Allataala namangparenta sola.

Lukas 18:31

Natambaimi Puang Isa to sangpulo dua anak gurun-Na nakuanni, “Pesa'dingngii! Mangngujumiki' de' kota Yerusalem tee too, anna jaji sininna to mangka nauki' nabi tonna anu' mpauna' tee Aku', Anak Mentolino.

Lukas 12:50

Denpa kamaparrisan tonggo la kuperasai. Na te'da narapa' to penawang-Ku', ke te'dapi najaji.

Yahya 18:11

Nakua Puang Isa ngkuanni to Petrus, “Pasibanuai tuu pa'dangmu! Nang la kuolanna tee kamaparrisan to napasadianmo' Ambe'.”

Lukas 10:30

Mebalimi Puang Isa mpake pangpasusian nakua, “Den mesa' muane male jao mai kota Yerusalem mangnguju do' kota Yerikho. Natammuii parampo' jio tangnga lalan, narampai to pakeanna sola sininna apanna, namane' nggasa'i na ci'di'mora namate. Mangkai joo too nasalai bangmi.