Lukas 19:17 - Alkitab Duri

¹⁷ Nakuamo joo puangna, ‘Gaja kassing tuu panggaukanmu! Natatta' melo to penawammu lako aku'. La mparentako sangpulo kota, sanga maruruhko mpugauk apa biccu'.’

Lukas 19:17 Referans Kwoze

Lukas 16:10

Ia to todikatappa'i nnurusu' ewanan ci'di', dikatappa'i too nnurusu' ewanan la'bih buda. Na ia to totangmaruruh nnurusu' ewanan ci'di', te'da too namaruruh nnurusu' ewanan la'bih buda.

Matius 25:21

Nakuamo joo puangna, ‘Gaja kassing tuu panggaukanmu! Natatta' makassing to penawammu lako aku'. La kupabarakkanniko to la'bih matonggo, sanga wa'dingko dikatappa'i moi na panggaukan biccu'ra. Malemoko mai, taperasai kamasannangan sola!’

1 Petrus 1:7

Na ia joo kamaparrisan miperasai la menjaji butti kumua matappa' tongan kamu' lako Puang Isa Almaseh. Ia to bulawan disa'poi anna diissen kumua massangraka bulawan iarika tangngia. Susimi joo nadiparessa too to kamatapparanmi. Na ia joo kamatapparanmi la'bih keangga' na ia to bulawan la lanynya'. Na ia ke mangkamo kamu' diparessa, la napuji, la napamatande sola la napakala'bih kamu' Puang Allataala, ke ratu pole'mi Puang Isa Almaseh.

1 Korintus 4:5

Iamo joo danggi' mimadoi' bang mpasala tau kumua tokasalan, ba'tu ntongananni kumua tomelo, sanga te'dapa nadete'i wattunna. Tajanni karatuan-Na pole' Puang, sanga Ia la nnarrangngi to apa membuni. Ia too la mpapajanni to akkattana tolino to nabunianan lan penawanna. Ia joo wattu mane'ri napuji Puang Allataala to tau, to tosipato' dipuji.

1 Petrus 5:4

Na ia ke nadete'mi wattu karatuanna pole' joo Tomangrewa Mala'bih, la naben kamu' paraseng kapataloan to cundallak tarruh te'da cappa'na.

2 Timotius 2:10

Namawatang bangna' ntarima ngasanni, nasaba' kaparalluanna to tau mangkamo napilei Puang Allataala, dikua nalolongan kasalamatan jio mai Puang Isa Almaseh, sola kamala'biran te'da cappa'na.

Roma 2:29

Sibalikanna ia to to-Yahudi, to direken umma'-Na tongan Puang Allataala, iamo to to mangpenawa to-Yahudi tongan, na ia to sunna' tongan lanri ia penawa. Ia tee napugauk Roh Allataala, na tangnakulle atoran agama mpugaukki. Ia to tosusi joo kadipakala'biranna te'da napole jio mai tolino, apa pole jio mai Puang Allataala.

Lukas 22:30

antamasannang sola, ke menjaji Rajamo'. Na la cumadokko kamu' jao sangpulo dua cadokkoan mala'bih la mparenta sangpulo dua pangrapuanna to-Israel.”

Kada Bulawan 27:18

Inda-inda mparakai tanananna, la napebuai to assele'na, susi toomi inda-inda njampang melo puangna la diangga'.

Lukas 19:16

Ratumi joo kaunan bungahna nakua, ‘Oo puang, ia to mesa' doi' bulawan tabenna', manglokkon pessangpulo to sarona.’

Lukas 19:18

Ratumi joo kaunan mangpenduanna nakua, ‘Oo puang, ia to mesa' doi' bulawan tabenna' manglokkon pellima to sarona.’