Lukas 18:12 - Alkitab Duri

¹² Penduanna' puasa sangminggu, angkupangben sangtawa sangpulona to assele' kuampa'.’

Lukas 18:12 Referans Kwoze

Lukas 11:42

Macilaka kamu' to to-Farisi! Ia to assele' tanananmi to tangkeangga'na susinna tulasi, kunyi', na rampa-rampa laen miben sangtawa sangpulona lako Puang Allataala, apa te'da mipugaukki to kamarurusan sola pangpakamoja' lako Puang Allataala. Na iara joo to kaminang parallu mipugauk, apa la mipugauk too to laenna.

Matius 9:14

Mangkai joo too ratumi to anak gurunna Nabi Yahya lako Puang Isa, namekutana nakua, “Ciapari na kami' manda sola to-Farisi to puasa, na te'da ia to anak gurun-Ta'?”

Lukas 17:10

Susi toomo kamu', danggi' mitajan pangpujian. Apa ia ammimangkamo mpugaukki to nasuan kamu' Puang Allataala, la mikua, ‘Kaunan biasa bangrakan, ia manda kipugauk to disuankan.’ ”

1 Timotius 4:8

Ia ke melajahki' maningo, te'da nabuda bang bua'na, apa ia ke tatta'ki' mpangben kaleta' lako Puang Allataala, makkeguna lan buda passalan, nasaba' ia tee too na jiona ahera' la ntarimaki' katuoan to mangka napau Puang Allataala.

Matius 6:1

Mangngajahhimi Puang Isa nakua, “Danggi' mipugauk panggaukan melo ke la mipangpekitanri lako tau, dikua napuji kamu'. Ia ammimanggauk susi joo, te'da miampa'i to pahalami jio mai Ambe'mi Puang Allataala jao suruga.

Efesus 2:9

Te'da midipasalama' nasaba' panggaukanmi. Iamo joo tangsipato' ke denni tau matampo nasaba' kasalamatanna.

Galatia 1:14

angkusamacca-maccanna lan agama Yahudi, kucau' ngasanni to sangbara'ku' jio bangsaku', sanga liwa' kukanana'i to atoran tojoloku'.

1 Korintus 1:29

Iamo napugaukki susi joo dikua anna moi mesa' tau te'da wa'ding mpikkiri'i kumua, “Napileina' Puang nasaba' kamaccanku'.”

Roma 3:27

Iamo joo moi taturu' ngasanni to atoran agama, te'da talampumajao penawai. Ciapari nasusi joo? Nasaba' te'da tadipupenjaji tomelo sanga nturu'ki' atoran agama, apa kamatapparanta'ra.

Matius 6:16

Mangngajahhimi Puang Isa nakua, “Ia ammipuasa, danggi' mimenggamuru bang susi tomajekkong. Ia to tau susi joo naanggai' bang tangmendau', dikua naissenni tau kumua puasai. La miingaran tee kadang-Ku' kumua, mangkami ia ntarimai to pahalana!

Matius 6:5

Mangngajahhimi Puang Isa nakua, “Ia ammimassambajang, danggi' misusi tomajekkong. Ia to tau susi tuu lako nakabudai massambajang lan bola passambajangan sola jio too pangpasitammuan lalan, dikua nakitai tau. La miingaran tee kadang-Ku' kumua, mangkami ia natarima to pahalana!

Matius 5:20

Iamo joo, la miingaran kumua, te'da milangkullei menjaji umma'-Na Puang Allataala, ke te'da mila'bih nturu' pakkaeloran-Na Puang Allataala na ia to guru agama sola to-Farisi.”