Lukas 18:11 - Alkitab Duri

¹¹ Ke'deh mesami joo to-Farisi namassambajang nakua, ‘Oo Puang, mangkurru sumanga'na' mati' kalemi, nasaba' te'da aku' kususi tau laen. Te'da kumangrampa, te'da kumasa'ga', te'da kumanggauk sala, na te'da too kususi joo passassung.

Lukas 18:11 Referans Kwoze

Matius 6:5

Mangngajahhimi Puang Isa nakua, “Ia ammimassambajang, danggi' misusi tomajekkong. Ia to tau susi tuu lako nakabudai massambajang lan bola passambajangan sola jio too pangpasitammuan lalan, dikua nakitai tau. La miingaran tee kadang-Ku' kumua, mangkami ia natarima to pahalana!

Pengkitanna Yahya 3:17

Mangkada kamu' kumua, ‘Sugihna', te'damo apa tangkuampui.’ Apa te'da miissenni kumua kamu'mo tau masussanna, memassean penawa, makario-rio, buta, na mimangkale-kale.

Markus 11:25

Na ia ammimassambajang, na den tau mipemannan, dampanganni jolo', anna dampangan toda kamu' Ambe'mi jao suruga. [

Galatia 3:10

Den diuki' lan Sura' Allataala kumua, “Tampak ropu ngasan lako totangtatta' nturu'i to sininna atoran agama.” Iamo joo, padami to tomparannuan atoran agama, padami nakanna tampak ropu, nasaba' te'da tau ngkullei nturu'i.

Lukas 20:47

Nauraga bang to baine matemo muanena, narampai to ewananna. Naanggai' bang too mpemalandoi passambajangna to nanii mpembunianan panggaukan gaja'na. Ia to tosusi joo la la'bih mabanda' to sessana.”

Filipi 3:6

Ia ke panggaukanku', aku'mo to kaminang ssessa tomatappa' lako Puang Isa. Ia ke kamenturusanku' lako atoran agama, te'da atoran tangkuturu'i.

Kada Bulawan 20:6

Buda tau ssanga kalena mamase, apa gaja sussa diampa' to totatta' mamase.

Kada Bulawan 30:12

Den tau ssanga kalena te'da salana, apa sitonganna te'dapa nadipaccingngi dosana.

Matius 5:20

Iamo joo, la miingaran kumua, te'da milangkullei menjaji umma'-Na Puang Allataala, ke te'da mila'bih nturu' pakkaeloran-Na Puang Allataala na ia to guru agama sola to-Farisi.”

Matius 10:3

Sitarruhna Filipus, Bartolomeus, Tomas, Matius to passassung, Yakub anakkana Alfeus, Tadeus,

Lukas 22:41

Mangkai joo too malemi ba'tu pirang-pirang tengkan to Puang Isa, agi-agi sangpellekkosan batu, namengguntu' massambajang,