Lukas 18:1 - Alkitab Duri

¹ Napauan pole' omi pangpasusian Puang Isa to anak gurun-Na la mpamanassai kumua danggi' naka'tu rannu sola marosso massambajang lako Puang Allataala.

Lukas 18:1 Referans Kwoze

Kolose 4:2

Danggi' mipajaii massambajang lako Puang Allataala. Na ia ke massambajang kamu' mangkurru sumanga' too kamu'.

Roma 12:12

Pesannangngii penawammi nasaba' tomangrannuan kamu' lako Puang Allataala. Sabbara' kamu', ke nakanna kamu' kamasussan, ammimassambajang tarruh bang.

1 Tesalonika 5:17

Mituli massambajang.

Filipi 4:6

Danggi' naden apa mipuselang, apa paui to miparalluinna lako Puang Allataala lan passambajangmi, mimangkurru sumanga' too,

Efesus 6:18

Ia ke nnewa kamu' Ballisi', la massambajang tarruh bang kamu' mpeta'da pangtulung-Na Puang Allataala. La massambajang kamu' situru' pangpatujun-Na Roh Allataala. Danggi' mipajaii massambajang. Passambajanganni to sininna umma'-Na Puang Allataala.

Lukas 21:36

Majaga kamu', mimassambajang, ammimawatang nnoloi sininna to apa la jaji, miwa'ding mangngolo lako Aku', Anak Mentolino.”

Galatia 6:9

Danggi' tamarosso mpugauk kameloan, nasaba' ia ke te'da tamarosso, nang la den pissen talolonganni to assele'na.

2 Korintus 4:1

Kiissen kumua Puang Allataala mpabarakkannikan tee jaman, nasaba' melo penawan-Na lako kami'. Iamo joo na te'da kika'tu rannu.

Kolose 4:12

Sallangna Epafras mati', mesa' to-Kolose, pangjama-Na Puang Isa Almaseh. Te'da napajaii mpellao doangan kamu' sola ngasan, dikua ammisamawatang-watangnamo susi mesa' tomasaranian, ammituli nturu'i to pakkaeloran-Na Puang Allataala.

Lukas 11:10

Nasaba' ia to tometa'da lako Puang Allataala, la diben, na ia to tonnangahhi, la naampa', na ia to tomangdedek la ditimbakan bola.