Lukas 17:25 - Alkitab Duri

²⁵ Apa tee too la gaja parri'na', na te'da too natarimana' tee tau too allo.

Lukas 17:25 Referans Kwoze

Matius 16:21

Ia joo wattu napamulami Puang Isa mpauanni to anak gurun-Na kumua, “La malena' de' kota Yerusalem, anna pamaparri'na' pekaamberan to-Yahudi, kapala imang sola guru agama. La dibunona', apa ia ke allo mangpentallun, la dipatuo pole'na' jio mai kamatean.”

Lukas 9:22

Nakuapa Puang Isa, “Ia tee Aku' Anak Mentolino, la gaja parri'na'. La naewana' pekaamberan to-Yahudi, kapala imang sola guru agama. La dibunona', apa ia ke allo mangpentallun, la dipatuo pole'na' jio mai kamatean.”

Markus 8:31

Ia tonna mangkamo joo, napamulami Puang Isa nnajahhi anak gurun-Na nakua, “Ia tee Aku' Anak Mentolino, la gaja parri'na'. La naewana' pekaamberan to-Yahudi, kapala imang sola guru agama. La dibunona', apa ia ke allo mangpentallun, la dipatuo pole'na' jio mai kamatean.”

Yahya 1:11

Mentamai tondokko-Na, apa cia'i to sangtondokko-Na ntarimai.

Lukas 18:33

narambina', namane' mbunona'. Apa ia ke allo mangpentallun, la dipatuo pole'na'.”

Markus 12:10

Tantu denmo mibacai tee aya' lan Sura' Allataala to mpauna' kumua, ‘Ia to batu naca'bean pande bola, menjajimo batu ariri petuo.

Matius 21:42

Nakuamo Puang Isa lako, “Tantu denmo mibacai lan Sura' Allataala to mpauna' kumua, ‘Ia to batu naca'bean pande bola menjajimo batu ariri petuo. Iamo tee panggaukan-Na Puang Allataala to kaminang melo.’ ”

Yahya 12:38

Susimi joo najaji to napau jolomo Nabi Yesaya kumua, “Oo Puang! Ci'di'ra tau ngkatappa'ii to kareba kipangpeissenan. Moi dipakitan tau to kuasan-Ta', te'da too nakatappa'i.”

Lukas 24:46

Nakuanni kumua, “Den diuki' lan Sura' Allataala kumua ia to Raja Mangpasalama' la maparri', na la tuo pole' jio mai kamatean, ke allo mangpentallun.

Lukas 18:31

Natambaimi Puang Isa to sangpulo dua anak gurun-Na nakuanni, “Pesa'dingngii! Mangngujumiki' de' kota Yerusalem tee too, anna jaji sininna to mangka nauki' nabi tonna anu' mpauna' tee Aku', Anak Mentolino.

Markus 10:33

Nakuanni, “Pesa'dingngii! Mangngujumiki' de' kota Yerusalem tee too. Na ia tee Aku' Anak Mentolino, la dipangngolona' lako kapala imang sola lako guru agama, nara'tahhi la mbunona', namane' mpangbenna' lako bangsa tangngia to-Yahudi.

Markus 9:31

nasaba' anak gurun-Na manda la naajahhi. Nakua Puang Isa lako, “Ia tee Aku' Anak Mentolino, la dipangbenna' lako kuasanna tolino, la dibunona', apa allo mangpentallun la dipatuo pole'na' jio mai kamatean.”