Lukas 17:20 - Alkitab Duri

²⁰ Den ba'tu pira-pira to-Farisi mekutana lako Puang Isa nakua, “Piranra nalaratu to Puang Allataala mangparenta susi Raja?” Napebalii Puang Isa nakua, “Te'da nadikita ke mangparentami to Puang Allataala susi Raja.

Lukas 17:20 Referans Kwoze

Yahya 18:36

Mebalimi Puang Isa nakua, “Ia to kaparentan-Ku' te'da napole lan mai lino. Ia ke la pole lanni mai lino, nalamangngewa to taung-Ku', anna danggi' kudipangngolo lako pekaamberan to-Yahudi. Apa te'da meman napole lan mai lino to kaparentan-Ku'.”

Lukas 19:11

Ia joo wattu mandoppi'mi Puang Isa de' kota Yerusalem, anna sangai tobuda kumua cingga'tu'mora naratu Puang Allataala mangparenta susi Raja. Iamo joo mpatarruhmi curitan-Na mpake pangpasusian lako tau ntuu jio to mpesa'dingngii.

Lukas 16:16

Ia to atoranna Nabi Musa na pangngajaranna nabi laen tatta'i dipake angge wattunna Nabi Yahya. Mammulami joo wattu dipangpeissenan tarruh to Kareba Kasalamatan umbo nakua Puang Allataala mangparenta susi Raja. Na napassialai tongan tau la menjaji umma'-Na Puang Allataala lan kaparentan-Na.

Daniel 2:44

Mangkamo takita to batu lan tindota', to kumua te'da ia tau rrumbui, na tilu'bak jao mai buntu, nabasai nasisarambuan joo patung to dikabua' jio mai bassi, tambaga, litak pitti', salaka na bulawan. Battuananna: ia tonna mangparenta unapa to raja, ia to Allataala jao suruga la mpaden kaparentan tatta' te'da anggena, na te'da lalo ia to bangsa la ntaloi. Kaparentan iamo joo la nnancuru'i joo appa' kaparentan. Napangpeissenanni Allataala Tomala'bih lako kita' to apa la dioloi lako. Ia joo tindo wa'ding dikatappa'i, na ia to battuananna kupau tongan.”

Lukas 10:11

‘Moi to carepa kotami le'ke' jio ajeki' kipentambakan too, la mpangngingaran kamu' to kasalanmi. Apa la miissen kumua cingga'tu'mora naratu Puang Allataala mangparenta susi Raja!’

Lukas 14:1

Den pissen simata Allo Katorroan, namale Puang Isa kumande jio bolana mesa' kapala to-Farisi. Padami to tau ntuu jio ssikita-kitai to Puang Isa.