Lukas 16:11 - Alkitab Duri

¹¹ Jaji, ia ke kasugiran lino nate'da mikullei dikatappa'i, inda pole' opa madoang mpabarakkanni kamu' kasugiran tongan jao suruga?

Lukas 16:11 Referans Kwoze

Lukas 12:33

Balukki to ewananmi mibenni tokaasi-asi. La nnangah kamu' doi' to te'da namemmatua, iamo to kasugiran dianna jao suruga. Ia joo kasugiran te'da nata'de, nasaba' te'da nakullei la naboko tau, na te'da nakullei nakande ane.

Yakub 2:5

Ee, tomala'bihku' to kupakamoja'! Ingaranni tee, ia to tokaasi-asi lan tee lino, napilei Puang Allataala la menjaji tosugih lan kamatapparan. Napilei too la menjaji umma'-Na lan kaparentan-Na. Susimi joo mangka nabasse lako ia to tompakamoja'i.

Efesus 3:8

Aku'mo mase-masena to sininna umma'-Na Puang Allataala, apa napabarakkannina' Puang Allataala tee jaman mpangpeissenan Kareba Kasalamatan lako bangsa tangngia to-Yahudi kumua ia to barakka'-Na Almaseh te'da susinna.

Lukas 18:22

Ia tonna sa'dingmi Puang Isa joo pebalinna, nakuanmi, “Mesa'pa to parallu la mupugauk. Malemoko mbaluk ngasanni to ewananmu, ammubenni tokaasi-asi to allinna, mumane' nnampa' kasugiran jao suruga. Ianna mangkamo joo mupugauk, undimoko nturu'na'.”

Lukas 16:9

Mangkadami Puang Isa nakua, “La miingaran! Pakei tee mai kasugiran lino mpupenjajii soba'mi to tau, anna tarima kamu' Puang Allataala jao bola tangmasolang, ke te'dami bua'na tee kasugiran lino lako kalemi.

Pengkitanna Yahya 3:18

Jaji kupakainga' kamu' kumua allii to bulawan matasak lako Aku' misugih. Allii to pakean mabusa mipakei, danggi' mimangkale-kale mesirisan nakita tau. Mialli tooi to pejampi misapuanni matammi, nawa'ding pakita.

Matius 6:24

Te'da tau ngkullei mengkaunan lako dua puanggawa, sanga la nakabudai ia to mesa' na ia to laenna nakaba'ci, ba'tu la napangjaman tongan-tongan to mesa' na ia to laenna makuttui mpangjamanni. Susi too kamu', te'da mikullei nturu' pakkaeloran-Na Puang Allataala, ke kasugiran lino manda miangah.

Lukas 16:12

Na ia ke te'da mimaruruh mpusara kasugiranna tau to dipabarakkanan kamu', inda pole' opa madoang mben kamu' to apa la mipuapa kamu'?