Lukas 16:1 - Alkitab Duri

¹ Nakuamo Puang Isa lako anak gurun-Na, “Den tosugih nnampui pangjama to nnannanni doi'na na mpusara ewananna. Den tau mparapa'i joo pangjama lako tosugih nakua, ‘Napaboro-boro bangngi to apanta'’.

Lukas 16:1 Referans Kwoze

1 Petrus 4:10

Pada nabenmo kamu' Puang Allataala to mangrupa-rupa barakka'. Iamo joo pada la mipake meloi joo barakka' situlung.

Lukas 12:42

Mebalimi Puang Isa nakua, “Iamo kupapatui to kaunan melo to wa'ding dikatappa'i. Iamo la naben kuasa puangna ngkapalai kaunan laenna, napakandei ke wattunnami kakumandean.

Yakub 4:3

Na moi mipeta'dai lako Puang Allataala, te'da miampa'i, sanga gaja' pattujummi. Ia manda mipeta'da to mipusannangna lan tee lino.

Titus 1:7

Ia to tonnatoro' jamaa, iamo to mpangjaman Puang Allataala. Iamo joo naparallu tomakassing sola totangmangkada mesa. Te'da nawa'ding salle galli, ba'tu pangngiso', ba'tu passiboboran, ba'tu pangdoi'.

Lukas 15:30

Apa ia joo anakkana Ambe' to mane' ratu namangka ncappu'i ewananna Ambe' male maningo sola baine bandarang, nageresan una ia Ambe' anak sapin malompo!’

Lukas 15:13

Te'da namasai mangkanna joo, ia joo anak tampak nabaluk ngasanni to tawana, namale sompa' lako tondok mambela. Napaboro-boro bangmi to doi'na male sumongge'-mongge' ntuu lako.

Lukas 19:20

Ratumi to kaunan laen nakua, ‘Oo puang, inde'i to doi'ta', kuparisepu' bang,

Kada Bulawan 18:9

Ia to tomakuttu njama jamanna, pada bang sipa'na to tongkabudai makkasolang.

Lukas 16:19

Mangngajahhimi Puang Isa nakua, “Den tosugih mangpakean maballo namasuli' allinna. Mangmasannang-sannang bangngi keallo-keallo, sanga sadia ngasan to apa naparallui.

Lukas 8:3

Susi too Yohana, bainena Khuza. (Ia to Khuza nnurusu' doi'na Raja Herodes.) Den tooi Susanna na ba'tu pira-pirapa baine laenna. Ia tuu lako baine pada mpasadia kaparalluanna Puang Isa sola anak gurun-Na mpake kasugiranna.

Matius 20:8

Ia tonna kabuhmo allo, nakuanmi ampu bara'bah to bandoro'na, ‘Tambaimi tuu lako tokumande gaji, nadipagaji. Bajahhi jolo' to undinna mentama, namane' ia to jolona nasitarruhna.’

Lukas 16:2

Iamo joo natambai tosugih joo pangjamana naratu nakuanni, ‘Apara iko mupugauk napauko tau? Ia bang unamo tee too pakitan ngasanna' sura' indanna tau, nasaba' te'damo muwa'ding nnanna doi'ku'.’