Lukas 15:7 - Alkitab Duri

⁷ Katappa'i kumua, susi toomi joo den kamarioan la'bih matonggo jao suruga, ke den mesa' tomadosa mengkatoba', na ia to kamarioan nasaba' kasera pulona kasera tomelo, to te'da naparallu mengkatoba'.”

Lukas 15:7 Referans Kwoze

Lukas 5:32

Te'da kuratu la ntulung tossanga kalena tomelo, apa ratura' ntulung tomadosa, dikua namengkatoba' jio mai dosana.”

Lukas 15:10

Katappa'i kumua, susi todamira joo to malaeka'-Na Puang Allataala mario ke denni mesa' tomadosa mengkatoba'!”

Lukas 15:32

Paralluki' mangmaroah-roah, nasaba' ia joo adimmu samannamo to mangka mate, apa tuo pole'mi. Mangkami ta'de, apa diampa'mi.’ ”

Matius 18:13

Na ia ke naampa'mi, la miingaran tee kadang-Ku' kumua, la liwa' parannunna joo puangna lako joo mesa'na na ia to kasera pulona kasera!

Kada Bulawan 30:12

Den tau ssanga kalena te'da salana, apa sitonganna te'dapa nadipaccingngi dosana.

Roma 7:9

Ia tonna jolona te'da kuissen atoran agama. Apa ia tongkuissenmi, napamulamo' napukaunan kuasa dosa,

Lukas 16:15

Apa nakua Puang Isa lako, “Mianggai' bangra melo jio olona tau, apa naissen Puang Allataala to lan penawammi. Nasaba' apa to nasanga tolino mala'bih, nakaba'ci Puang Allataala.

Lukas 15:29

Apa mangkadai nakua, ‘Ee Ambe', mangtaun-taunmo masainna kunii tangnnissen bo'jo' mpangjaman ambe'. Te'dapa naden kutangnturu' parentana Ambe'. Na te'da bangpara apa tabenna'! Moi mesa' anak beke te'da bangpa tabenna' kupake mangmaroah-roah sola soba'ku'!

Matius 3:8

Iamo joo la mipangpekitan to panggaukan melomi mpamanassai kumua mengkatoba'mo kamu' jio mai dosami!

Lukas 15:6

Ia tommiratumo lako bola, mitambaimi to soba'mi na bali bolami ratu, mikuanni, ‘Male kamu' mai, tamangmaroah-roah, nasaba' kuampa'mi to bembala'ku' ta'de!’

Lukas 15:8

Nakua unapa Puang Isa, “Ia ke den baine nnampui sangpulo doi' pera', nata'de mesa', apara to la napugauk? Tantu mpadukkui lampu naparurui bolana, naangahhi sanaampa'na.