Lukas 15:28 - Alkitab Duri

²⁸ Gaja birihhi joo anak pamungah, nacia' mentama bola, anna messun to ambe'na ssedei namentama bola.

Lukas 15:28 Referans Kwoze

Yunus 4:9

Apa nakua Puang Allataala ngkuanni, “Te'da iko musipato' mabirih nasaba' malajui tuu tananan!” Mebalii Nabi Yunus nakua, “Anna la te'da ora? Sipato'na' gaja birih ratu lako mateku'!”

Lukas 15:2

Mangnuku-nukui to to-Farisi sola guru agama nakua, “Wah, nasiama' ora Ia togaja' nakumande sola!”

Lukas 7:39

Ia tonna kitami Simon to-Farisi to apa napugauk joo baine, mangkadai lan penawanna, “Ia kenna la nabi tee tau, la naissen ia kumua tomatumbara joo baine ssapuii. Tantu la naissen kumua tomadosa!”

Jamanna Rasulu' 14:2

Apa ia to to-Yahudi to cia' matappa' rrasi tau tangngia to-Yahudi anna kaba'cii to tomatappa' lako Puang Isa.

Jamanna Rasulu' 13:45

Ia tonna kitai to-Yahudi to tobuda, masere atimi nacapa'i to Paulus, napasala tooi sininna to napaunna.

Lukas 24:47

Den too diuki' kumua la dipangpeissenan joo Kareba, mpake sangan-Na Almaseh, lako sininna bangsa lan lino anna mengkatoba' jio mai dosana, nadampanganni Puang Allataala. Na ia joo Kareba dipangpeissenan mangpamula jio mai kota Yerusalem.

Lukas 13:34

Ee, to-Yerusalem! Tombuno kamu' nabi! Mirura batui to tonasua Puang Allataala ratu lako kalemi, sanggenna mate! Ba'tu pempiranmo' madoang rrempun kamu', susi indo manuk rrempun anakkana jiong pani'na, apa te'da mimadoang!

Lukas 5:30

Tangmasannang to ba'tu pira-pira to-Farisi sola guru agama, to nturu' toda pangngajaranna to-Farisi, anna kutanaii to anak gurun-Na Puang Isa nakua, “Ciapari mikumande sola passassung na totangnturu' atoran agama?”

Matius 20:11

Ia tonna tarimami, sipangnuku-nukuanmi lako ampu bara'bah nakua,

1 Tesalonika 2:16

Kannori naanggaikan mpangpeissenan karebanna Puang Isa lako bangsa tangngia to-Yahudi anna wa'ding dipasalama'. Susimi joo sakerangngan-rangnganna to dosana takkaliwa'mo budanna. Na katampakanna la nasessai Puang Allataala.

2 Korintus 5:20

Jaji, topesuannakan Almaseh. Nasuakan Puang Allataala mparatuan kamu' pepasan-Na. Nasuakan Almaseh meta'da lako kalemi, “Pemaringngannii penawammi, ammisikalino pole' Puang Allataala.”

Roma 10:19

La mekutana pole'pa': Te'daparaka ia naissenni to-Israel? Ia joo pekutana, bungahna napebalii Nabi Musa to kada napasan Puang Allataala lako to-Israel, nakua, “La kupamasere ati kamu' lako bangsa tangngia taung-Ku', na la kupamagalli kamu' lako bangsa te'da apa naissen.”

Jamanna Rasulu' 14:19

Apa den to-Yahudi ratu jio mai kota Antiokhia na kota Ikonium narasii to tobuda, narura batui to Paulus, namane' nggararakki lako salean kota, sanga nasangai kumua matemi.

Jamanna Rasulu' 13:50

Apa naarakki to-Yahudi to tomapangka' lan joo kotana sola baine to dipekapuangngi to ssompa toda Puang Allataala, nasessai to Paulus sola Barnabas, namane' nnula'ii sola dua lan mai joo tondok.

Markus 1:40

Ratumi mesa' to tomasolak mengguntu' jio olo-Na Puang Isa, anna mengkamase-mase nakua, “Oo Puang, ia ke melohki', manassa kumua makuasaki' mpamalagahna'.”

Lukas 15:27

Mebalimi joo kaunan nakua, ‘Polemi adinta'! Na mangkami ambe'ta' mangpesua nggere' anak sapin malompo, nasaba' salama'mi to adinta' pole!’

Lukas 15:29

Apa mangkadai nakua, ‘Ee Ambe', mangtaun-taunmo masainna kunii tangnnissen bo'jo' mpangjaman ambe'. Te'dapa naden kutangnturu' parentana Ambe'. Na te'da bangpara apa tabenna'! Moi mesa' anak beke te'da bangpa tabenna' kupake mangmaroah-roah sola soba'ku'!