Lukas 14:18 - Alkitab Duri

¹⁸ Apa ia tuu lako tau meta'da dampang ngasanni. Ia to jolona mangkada lako joo kaunan nakua, ‘Mangkana' mangngalli tana sangngenan, na paralluna' male ngkitai. Meta'da dampangna'.’

Lukas 14:18 Referans Kwoze

Lukas 18:24

Nakitai Puang Isa kumua masussai joo tau, iamo namangkada nakua, “Gaja sussa ia to tosugih la menjaji umma'-Na Puang Allataala.

2 Timotius 4:4

Cia'i mpesa'dingngi to pangngajaran tongan, apa iara napesa'dingngi to curita tojolo to tangkebattuan.

Yahya 5:40

apa cia' kamu' ratu lako kale-Ku', ammiampa' katuoan melo te'da cappa'na.

Yahya 1:11

Mentamai tondokko-Na, apa cia'i to sangtondokko-Na ntarimai.

Lukas 8:14

Ia to banne ta'pah lan tangnga duri dipasangrapangngi to tossa'ding kadan-Na Puang Allataala, apa mpuselangngi katuoanna. Madoang bangri la sugih mpusannang katuoan lan lino, to nni'pinni joo kada lan penawanna, anna te'da namembua melo.

Ibrani 12:16

Ingaranni danggi' naden tau manggauk sala ba'tu te'da naangga'i to barakka'-Na Puang Allataala susi to napugauk Esau. Ia joo barakka' lako mesa' anak pamungah nabaluk lako adinna sangpiring nande.

2 Timotius 4:10

Nasalaimo' Demas, nasaba' la'bih nakabudaimo ia tee lino, na male lako kota Tesalonika. Male toomi Kreskes lako tana Galatia na Titus lako tana Dalmatia.

Lukas 14:17

Ia tonna dipamulamo joo pangmaroasan, nasuami to kaunanna male ntambai to mangka dipauan la ratu, nakuanni, ‘Malemiki' mai, nasaba' sadia ngasanmi!’

Lukas 14:19

Ia to laenna nakua, ‘Mangkana' nnalli sapin limang ajoka, la malepa' ncobai. Meta'da dampangna'.’

Filipi 3:4

Moiraka nawa'ding toona' mpattuan kamenturusanku' lako atoran agama, nasaba' ia ke denni tau mpattuan atoran agama, la'bih pole'pi aku'.