Lukas 13:3 - Alkitab Duri

³ Te'da lalo ia! Apa la miingaranni, ia ke te'da mimengkatoba' jio mai dosami, pada la mate too kamu'.

Lukas 13:3 Referans Kwoze

Jamanna Rasulu' 3:19

Ee todipusile'to! Iamo joo la mpenassanni kamu' dosami mimengkatoba', mimenturu' lako Puang Allataala anna dita'dei to dosami,

Matius 3:2

“La mengkatoba' kamu' jio mai dosami, nasaba' cingga'tu'mora naratu Puang Allataala mangparenta susi Raja.”

Lukas 13:5

Te'da lalo ia! Apa la miingaranni, ia ke te'da mimengkatoba' jio mai dosami, pada la masolang too kamu'.”

Matius 12:45

Malemi ntambai pitu setang laenna to la'bih masa'ga' pole' opa na ia. Napentamaimi joo tau, natorro lan. Mangkatampakanna la'bih masussa pole' opa joo tau na ia tonna jolona. Susi toomi joo to la jaji lako to togaja' to tuo tee wattu.”

Lukas 24:47

Den too diuki' kumua la dipangpeissenan joo Kareba, mpake sangan-Na Almaseh, lako sininna bangsa lan lino anna mengkatoba' jio mai dosana, nadampanganni Puang Allataala. Na ia joo Kareba dipangpeissenan mangpamula jio mai kota Yerusalem.

Matius 22:7

Ia tonna sa'dingmi joo raja, gaja gallimi. Nasuami to surudadunna male mbunoi to tombuno kaunanna, nasumpun tooi to kotana.

Lukas 13:2

Mebalimi nakua, “Misangaraka kumua iamo namate joo to-Galilea susi joo, nasaba' la'bih buda dosana na ia to to-Galilea laenna?

Lukas 13:4

Na umbo toda ia nakua to sangpulo karua tau to mate jio Siloam tonna songkaii bola batu matande? Misangaraka kumua iamo joo mpattantui kumua la'bih buda dosana na ia to tau leko' to torro jao kota Yerusalem?