Lukas 12:32 - Alkitab Duri

³² Naajahhimi Puang Isa to anak gurun-Na nakua, “Danggi' mimalaja' moi mitangpira! Nasaba' napumasannang Ambe'mi Puang Allataala jao suruga mpupenjaji kamu' taun-Na lan kaparentan-Na.

Lukas 12:32 Referans Kwoze

Ibrani 12:28

Iamo joo la mangkurru sumanga'ki' lako Puang Allataala, sanga tatarimamo jio mai kale-Na to mesa' kaparentan tangtiroge. Takalaja' takasiri'i antamassompa lako Puang Allataala situru' pakkaeloran-Na,

Pengkitanna Yahya 1:6

Napupenjajimiki' mesa' kadatuan imang, tompangjaman Puang Allataala, Ambe'-Na. Ia to Puang Isa tomala'bih sola tomakuasa, te'da cappa'na! Amin.

Filipi 2:13

Puang Allataala mpupembalik penawammi ammimadoang, mikulle tooi mpugaukki to pakkaeloran-Na.

Lukas 10:21

Ia joo wattu mario tongan to Puang Isa, nasaba' nakuasaii Roh Allataala, nakua, “Oo Ambe', Puangna langi' sola lino! Mangkurru sumanga'na' lako Ambe', nasaba' ia ngasan joo tabunianan lako tomandalan pahangna sola tomacca, tapangpeissenanmo lako totangpaissen. Oo Ambe', iamo tapumasannang.”

Matius 25:34

Mangkai joo too kukuamo lako to jio sa'de kanan-Ku' kumua, ‘Malemo kamu' mai sininna to tonabarakka'i Ambe'-Ku' Puang Allataala. Mentamamo kamu' kaparentan-Ku' to nang dipasadiamo sipamulanna lino.

2 Tesalonika 1:11

Napileimo kamu' Puangta' Puang Allataala menjaji umma'-Na. Iamo joo kituli mpassambajangan kamu' dennaa upa' napupenjaji kamu' tosipato' disanga umma'-Na. Kipeta'da too kumua na kuasan-Na ammisamadoang-doangna mpugauk sininna panggaukan melo ammikullei mmangkaii sininna jamanmi to mijama nasaba' kamatapparanmi.

2 Petrus 1:11

Na la natarima kamu' keanu' Puangta' Puang Isa Almaseh, Tomangpasalama'ta', lan kaparentan-Na te'da cappa'na.

Matius 14:27

Apa ta'pa nakuanni Puang Isa nakua, “Ee, rapa' kamu'! Danggi' mimalaja'! Aku' tee.”

Pengkitanna Yahya 22:5

Te'damo naparallu naarrang lampu ba'tu allo, nasaba' masiang tarruh bang ia, te'da disanga bongi. Puang Allataala Ia nnarrangngi. Ia tuu lako tau la mangparenta susi raja te'da cappa'na.

2 Tesalonika 1:5

Manassamo lako kita' to kamarurusan-Na Puang Allataala rra'tah kara-karana tolino. Mapa'dikmo kamu', nasaba' nturu' kamu' pakkaeloran-Na Puang Allataala, apa ia toomo joo midisanga sipato' menjaji taun-Na lan kaparentan-Na.

Roma 6:23

Kamateanra to buanna dosa, apa katuoan melo te'da cappa'na nabenki' Puang Allataala, nasaba' memmesa'miki' sola Puangta' Puang Isa Almaseh.

Yakub 2:5

Ee, tomala'bihku' to kupakamoja'! Ingaranni tee, ia to tokaasi-asi lan tee lino, napilei Puang Allataala la menjaji tosugih lan kamatapparan. Napilei too la menjaji umma'-Na lan kaparentan-Na. Susimi joo mangka nabasse lako ia to tompakamoja'i.

Yahya 18:36

Mebalimi Puang Isa nakua, “Ia to kaparentan-Ku' te'da napole lan mai lino. Ia ke la pole lanni mai lino, nalamangngewa to taung-Ku', anna danggi' kudipangngolo lako pekaamberan to-Yahudi. Apa te'da meman napole lan mai lino to kaparentan-Ku'.”

Matius 20:16

Nakua omo Puang Isa, “Susimi joo ia to disanga tomala'bih la mentomajiong na ia to disanga tomajiong la mentomala'bih.”

Matius 7:15

Mangpakainga'mi Puang Isa nakua, “Majaga melo kamu' lako nabi tangtongan, to mentama tangnga-tangngami mangmalamma-lamma susi bembala', apa sitonganna susi asu lampung penawanna.

Jamanna Rasulu' 20:28

Njagai kamu' kalemi. Mijagai tooi jamaa to mangka napangben Roh Allataala la mijagai, nasaba' kamu'mo diangka' menjaji tonnatoro' jamaa-Na Puang Allataala. La mijagai melo to taun-Na susi tomangrewa rrewai bembala'na, nasaba' elohnamo Puang Allataala namate Puang Isa dikua nawa'ding lla'bak taun-Na.

Jamanna Rasulu' 20:29

Kuissen kumua ia angkumalemo, la ratu to tau massipa' susi asu lampung mentama tangnga-tangngami, na te'da nalancirinnaii to tau pura diben kamu'.

1 Korintus 1:21

Sanga moi samatumbanna macca to tolino, te'da nakullei nnissen Puang Allataala mpake kamacanna. Apa macca to Puang Allataala. Iamo joo naeloranni dipangpeissenan to Kareba Kasalamatan, to nasanga tolino curita tangtongan, anna pasalama'i to tongkatappa'ii.