Lukas 11:40 - Alkitab Duri

⁴⁰ Tobango' kamu'! Te'da na batang kalemi manda napaden Puang Allataala, apa Ia too mpadenni to penawammi.

Lukas 11:40 Referans Kwoze

Lukas 12:20

Apa nakua Puang Allataala mangkada lako joo tosugih, ‘Ee, tobango'! Ia bang unamo tee bongi naladika'tu to sunga'mu. Na indamora la mpuapai to ewanan murempun?’

1 Korintus 15:36

Ee, tobango'! Ia ke nnamboh kamu' banne, te'da nata'pa tuo bang joo banne, ke te'dapi namate jolo'.

Matius 23:26

Ee, to-Farisi buta! Pemeloii jolo' to penawammi sola pangtangngaranmi, namane' melo to sipa'mi sola panggaukanmi.

Ibrani 12:9

Takasiri' to ambe'ta' lan lino to mpabalahhiki'. Ia pole' oraka ke Ambe'ta' jao suruga antatanglanturu'i, tawa'ding ntarima katuoan melo te'da cappa'na.

Lukas 24:25

Nakuamo Puang Isa lako, “Ee, nang bango' kamu'! Ciapari migaja sussa ngkatappa'i ngasanni to pura napasan nabi!

Matius 23:17

Ee tobuta, tobango' kamu'! Umbonnara parallu, bulawanraka iarika Bola Puang Allataala to mpupessipato'i joo bulawan dipake lan Bola Puang Allataala?

Kada Bulawan 8:5

Ee kamu' to tangmapahangpa, pangngattaii mangngakkalan melo, na kamu' to battuk, melajah kamu' mapahang.

Kada Bulawan 1:22

“Ee kamu' to tangmapahangpa, la da'tan bangra kamu'ka cia' mapahang? Ee kamu' to ngkabudai mangcapa', la da'tan bangra kamu'ka mangcapa'? Na kamu' to battuk, la da'tan bangra kamu'ka la ngkaba'ci kapaissenan?