Lukas 11:24 - Alkitab Duri

²⁴ Nakuamo Puang Isa, “Ia namessun to setang lan mai tau, malei llelei padang pallawangan nnangah ngenan la nanii kenden, apa te'da naampa'i. Iamo joo nakua, ‘La pole pole'na' lako to bola mangka kusalai!’

Lukas 11:24 Referans Kwoze

1 Petrus 5:8

La sadia kamu', ammimajaga! Nasaba' ia to ewalimmi Ballisi' susi bang singa lumingka male lako male jio mai, namangngaung-ngaung nnangahhi to la nakandena.

Markus 5:10

Nadadu'-dadu' mpeta'dai lako Puang Isa, nakua, “Danggi' taula'ikan jio mai ntee padang.”

Efesus 2:2

Ia joo wattu ia to panggaukanmi susi bang to panggaukanna tolino to tangnturu' Puang, ammituru' Ballisi' jao langi' to mparenta sininna setang. Iamo tatta' ngkuasaii to totangmatappa' lako Puang Allataala.

Markus 9:25

Ia joo wattu nakitami Puang Isa kumua sabuda-budannami tau sirempun, nagarra'i Puang Isa joo setang nakua, “Ee setang mamang sola mataru, messunko lan mai tee pea, danggi'mo mutamai pole'i.”

Kada Bulawan 4:16

Tangnapumamma' togaja' ke te'da napugauk kagajatan, te'da narapa' penawanna ke te'dapi nancilakai tau.

Lukas 11:25

Ia tonna ratumo lako, mapaccing na marappi toomi.