Lukas 10:37 - Alkitab Duri

³⁷ Mebalimi joo guru agama nakua, “Ia to tongkamaseii joo todirampo' anna tulungngi.” Nakuamo Puang Isa, “La mupugaukki susi joo!”

Lukas 10:37 Referans Kwoze

1 Petrus 2:21

Napileimo kamu' Puang Allataala mpugaukki susi joo. Moi Almaseh mperasai pa'dik ssulle kamu', anna menjaji palelean mata lako kamu' ammituru'i.

2 Korintus 8:9

Miissen kumua gaja napakamoja' kamu' Puangta' Puang Isa Almaseh. Sugih Ia, apa mpupengkaasi-asii kalena nasaba' kamu', anna ia joo kakaasi-asian-Na mpupessugih kamu'.

Matius 23:23

Macilaka kamu' to guru agama sola to-Farisi, nasaba' tomajekkong kamu'! Ia to assele' tanananmi to tangkeangga'na susinna tulasi, bua adas na jintang, mipangben sangtawa sangpulona lako Puang Allataala. Apa ia to parenta kaminang parallu lan atoranna Nabi Musa te'da mipugaukki susinna: kamarurusan, mamase, nturu' pakkaeloran-Na Puang Allataala. Na iara joo to kaminang parallu la mipugauk, apa la mipugauk too to laenna.

Efesus 5:2

La sikamasean kamu' susi Almaseh ngkamaseiki', iamo na mpangkaroban kalena la mpasalama'ki'. Ia joo kamatean-Na susi karoba bunangngu' to napumasannang Puang Allataala.

Kada Bulawan 14:21

Inda-inda ncapa' padanna rupa tau, mpugaukki dosa, apa inda-inda ngkamasei tokaasi-asi, la maupa'.

Pengkitanna Yahya 1:5

Ia to Puang Isa sa'bi maruruh. Iamo bungah dipatuo jio mai kamatean. Ia toomo ngkuasai sininna raja lan lino. Napakamoja'ki' namate anna la'paranmiki' jio mai dosata'.

Matius 20:28

Susi tee Aku', Anak Mentolino, te'da kuratu tama lino la massua, apa ratura' la menjaji todisua-sua sola la mpangben sunga'-Ku' kumua nadila'bak to tolino jio mai dosana.”

Lukas 10:36

Natampakkimi Puang Isa joo curitan-Na nakutanaii joo guru agama, “Ia ke iko, umbonnara tee tau tallu to ssangai padanna rupa tau joo todirampo'?”

Lukas 10:38

Malemi Puang Isa mpatarruh kalingkan-Na sola anak gurun-Na, namentama mesa' kampong. Denmi baine jio disanga Marta ssuai naratu lako bolana.