Lukas 1:2 - Alkitab Duri

² Ia to nauki' tau, susi bang unamo to napangpeissenan to tongkita kalenai apa to mangka jaji, mellao jio mai pamulanna. Iamo tuu lako tau mpangpangngajaran kadan-Na Puang Allataala tongkuuki'i tee.

Lukas 1:2 Referans Kwoze

Yahya 15:27

Moi kamu' la mipangpeissenan toona', sanga sola bangmiki' jio mai pamulanna.

Jamanna Rasulu' 26:16

Ke'dehmoko! Iamo kupangpekitan kale-Ku' lako iko, nasaba' la kupupenjajiko tompangjamanna'. La mupangpeissenan lako tau apa to mukita tee too sola to apa la kupakitanpoko dau.

2 Petrus 1:16

Ia tongkipangpeissenanni lako kamu' kumua la napangpekitan Puangta' Puang Isa Almaseh to kuasan-Na ke ratu pole'i, ia joo kipau tangngia curita nagaraga bangra tolino susi curita tangkebattuan. Kiissen joo, sanga ia to kamala'biran-Na mangkamo kami' kikita.

Ibrani 2:3

Apa pole'pi kita', ia ke te'da taingaran meloi joo Kareba Kasalamatan, tantu te'da talala'pah jio mai pangsessa. Sanga la'bih melo joo Kareba Kasalamatan na ia joo atoran naparatu malaeka' tonna anu'. Puang Isa Ia to bungah mpangpeissenanni, na mangkamiki' napauan tuu lako tobungah ssa'dingngi, antaissenni kumua tongan.

Markus 1:1

Iamo tee Kareba Kasalamatan mpamanassai to Puang Isa Almaseh kumua, Iamo Anak Allataala. Susimi tee to pamulanna.

1 Petrus 5:1

Kupakainga'i to pekaamberan jamaa lan tangnga-tangngami. Kupauan kamu' tee sanga mesa' todana' pekaamberan jamaa susi kamu', na mangkamo kukita to kamaparrisan-Na Almaseh, na la kuperasai too to kamala'biran-Na Almaseh to la napangpekitan Puang Allataala lako sininna tau keanu'. Kupakainga' tongan kamu',

Jamanna Rasulu' 4:20

Ia ke kami', te'da kilantorroii mpaui apa to mangkamo kikita sola kisa'ding.”

Lukas 24:48

La titanan sa'bi kamu' to ianna joo.

1 Korintus 4:1

La misangakan kumua tompangjamankan Almaseh, sanga nasuakan Almaseh mpangpeissenanni to akkatta-Na Puang Allataala to te'dapa naissenni to totangnturu' Puang.

Jamanna Rasulu' 1:8

Apa la diben kamu' kuasa ke diparatuimo kamu' Roh Allataala, ammilampangpeissenanna' la jio kota Yerusalem, la lan lili'na tana Yudea na Samaria, ratu lako randan langi'.”

Markus 4:14

Ia joo tonnamboh banne, iamo to tomale mpangpeissenan Kareba Kasalamatan jio mai Puang Allataala.

Roma 15:16

Napupenjajimo' kaunan-Na Puang Isa Almaseh to disua male lako bangsa tangngia to-Yahudi. Na menjajimo' susi imang to mpangpeissenan Kareba Kasalamatan jio mai Puang Allataala. Dennaa upa' na Roh Allataala mpupenjajii to bangsa tangngia to-Yahudi susi karoba to napumasannang penawan-Na Puang Allataala.

Markus 16:20

Malemi joo anak gurun-Na Puang Isa mpangpeissenanni to Kareba Kasalamatan lako sulapa'na lino. Na Puang tuli ntulungngi lan jamanna, mpugaukki to tanda mejangngaran, la menjaji butti kumua tongan ia to apa napau.]

Yahya 16:4

Apa kupauanmo kamu' tee too, anna ia ke jajimi, la miingaran kumua mangka jolomo' mpauan kamu'.” Mpatarruhhi kadan-Na Puang Isa nakua, “Sininna tee kupau te'dapa naden kupauan kamu' mellao jiona mai, sanga sola bang unapiki'.

Jamanna Rasulu' 8:4

Ia to tomatappa' sisarak-sarak male llelei sininna kampong mpangpeissenan Kareba Kasalamatan jio mai Puang Allataala.

Jamanna Rasulu' 14:25

Ia tonna mangka mpangpeissenan kadan-Na Puang jio kota Perga malei lako kota Atalia,

Jamanna Rasulu' 16:6

Nnola jioi tana Frigia na Galatia to Paulus sola solana, nasaba' te'da naeloranni Roh Allataala mpangpeissenan kadan-Na jio propinsi Asia.

Jamanna Rasulu' 17:11

Ia to to-Yahudi jio kota Berea la'bih melo ia penawanna na ia to to-Yahudi jio kota Tesalonika. Masannang ia ssa'ding karebanna Puang Isa, na allo-allo bang mbaca Sura' Allataala, madoang la nnissenni kumua sicoco'raka pangngajaranna Paulus.