Kolose 4:7 - Alkitab Duri

⁷ Sininna to apa jaji lako kaleku' la napauan kamu' padanta' tomatappa' Tikhikus to tapakamoja'. Ia to Tikhikus sangpangjamanku', to tatta' mpangjaman Puang Allataala.

Kolose 4:7 Referans Kwoze

2 Timotius 4:12

Kusuamo Tikhikus male mati' kota Efesus.

Jamanna Rasulu' 20:4

Den ba'tu pira-pira tau nasolan: Sopater to-Berea anakkana Pirus, Aristarkhus na Sekundus to-Tesalonika, Gayus to-Derbe, Tikhikus na Trofimus to-Asia, na Timotius.

Titus 3:12

Ia angkusuami mati' Artemas ba'tu Tikhikus, la mupengkulle-kullei ammumadoi' ratu ssikitanna' jio kota Nikopolis, nasaba' kuakkattai la torrona' jio ke wattu macakke'i.

Kolose 4:9

Ia to padanta' tomatappa' Onesimus la male toda mati'. To-Kolosei, to tatta' matappa' na kipakamoja' tongan. Iamora joo sola duai la mpauan kamu' kumua matumba-tumba unakan.

Kolose 4:12

Sallangna Epafras mati', mesa' to-Kolose, pangjama-Na Puang Isa Almaseh. Te'da napajaii mpellao doangan kamu' sola ngasan, dikua ammisamawatang-watangnamo susi mesa' tomasaranian, ammituli nturu'i to pakkaeloran-Na Puang Allataala.

Filipi 2:25

Ia to sangpangjamanku' padanta' tomatappa' Epafroditus, to mangka misua ratu inde' ntulungna', kusanga parallu too kusua pole mati',

Kolose 1:7

Ia tee Kareba Kasalamatan mangka naajaran kamu' Epafras, sangpangjamanki' to kipakamoja'. Iamo mesa' tompangjaman Almaseh to tatta' mbalii kamu'.