Kolose 4:11 - Alkitab Duri

¹¹ Sallangna mati' Yesua, to disanga toda Yustus. Ia mandara tee tau sola tallu jio mai to-Yahudi, to matappa'mo lako Puang, kusolan mpangjaman Puang Allataala. Na iamora mpamasumanga'na'.

Kolose 4:11 Referans Kwoze

Jamanna Rasulu' 11:2

Ia tonna ratumo Petrus de' kota Yerusalem, den ba'tu pira-pira to-Yahudi ncoccoi. Ia joo to-Yahudi matappa' lako Puang Isa, apa madoangngi kumua moi to bangsa tangngia to-Yahudi la disunna'.

Filemon 1:1

Ee, sangpangjamanki' Filemon, tokipakamoja' sola jamaa to sirempun iti' bolamu na padanta' tomatappa' Apfia na sangpangjamanta' Arkhipus! Aku' Paulus, to ditarungku, nasaba' nturu'na' Puang Isa Almaseh, ngkiringan kamu' tee sura' sola padanta' tomatappa' Timotius.

Titus 1:10

Parallu susi joo, nasaba' budamo tau tangmangpesa'ding, la'bih pole'pa to tau jolona mangngagama Yahudi. Ia tuu lako tau mangkada tangkebattuan na mpalao sala tau laen.

Kolose 4:7

Sininna to apa jaji lako kaleku' la napauan kamu' padanta' tomatappa' Tikhikus to tapakamoja'. Ia to Tikhikus sangpangjamanku', to tatta' mpangjaman Puang Allataala.

2 Korintus 6:1

Ia tee kami', mpangjamankan Puang Allataala. Iamo joo kimeta'da tongan-tongan lako kalemi, nadanggi' mitangmpuinawai to barakka' kasalamatan mangka mitarima anna membua melo.

Roma 4:12

Susi too lako todisunna', napuambe' too to Nabi Ibrahim, ke matappa' tooi lako Puang Allataala susi kamatapparanna Nabi Ibrahim tonna te'dapa nadisunna'.

Jamanna Rasulu' 10:45

Jangngah ngasanmi to to-Yahudi to matappa'mo lako Puang Isa nasiturusan Petrus jio mai kota Yope, ngkitai to bangsa tangngia to-Yahudi diben too Roh Allataala.

Filemon 1:24

Sallangna toda sangpangjamanku' Markus, Aristarkhus, Demas sola Lukas.

1 Tesalonika 3:7

Ee, tomala'bihku'! Napamasumanga'kan joo kareba. Moi kimaparri' dipakario-rio, masumanga'kan ssa'dingngi kumua da'tan kamu' matappa'.

1 Tesalonika 3:2

angkisuai to padanta' tomatappa' Timotius male mati'. Ia to Timotius sangpangjamanki' nasua Puang Allataala mpangpeissenan karebanna Almaseh. Kisuai male mati' la mpamasumanga' kamu' ammisamatappa'-tappa'na.

Filipi 4:3

Ee, sangpangjamanku' sola ngasan! Kupeta'dapa lako kalemi, tulungngi tuu baine sola dua, to mangkamo kusibawan mpengkulle-kullei mpangpeissenan Kareba Kasalamatan sola Klemens, na budapa solaku' laenna, to diuki' sanganna lan Sura' Katuoan.

Efesus 2:11

Ee, kamu' to tangngia to-Yahudi! Ingaranni torroanmi tonna jolona. Nasanga kamu' to-Yahudi kumua totangdisunna', nasaba' te'da tanda sunna' jio kalemi. Napaui to-Yahudi kumua ia joo tanda sunna', tandana kumua umma'-Nami Puang Allataala to to-Yahudi, apa taura ssunna' tau.

Roma 16:3

Sallangku' lako Priskila na Akwila, sangpangjamanku' lan jaman-Na Puang Isa Almaseh.