Kolose 3:25 - Alkitab Duri

²⁵ Ia to tompugauk kasalan la dipabalahhi, nasaba' te'da tau napasilaenan Puang Allataala ke mangsessai.

Kolose 3:25 Referans Kwoze

Jamanna Rasulu' 10:34

Napamulaimi Petrus mangkada nakua, “Kupahang tonganmo tee too, kumua te'da tau napasilaenan Puang Allataala.

Roma 2:11

nasaba' te'da tau napasilaenan Puang Allataala.

2 Korintus 5:10

Nasaba' la dipangngolo ngasanki' lako Almaseh antapada diben assele' panggaukanta', la panggaukan melo, la panggaukan gaja'.

1 Tesalonika 4:6

Jaji, la lako baine, la lako muane kupakainga' kamu', danggi' mangpanggaukan sala. Danggi' mikalasii padammi tomatappa'. Mangkamo kamu' kupakainga' rampa' kumua ia to tompugaukki susi joo la nasessa Puang.

1 Petrus 1:17

Ia ke massambajang kamu' lako Puang Allataala mekaambe' kamu'. Iamo joo la mikalaja' mikasiri'i, ke tuo unapa kamu' lan tee lino. Ia toomo Puang to tangmangpasilaenan rra'tah kara-karana tolino situru' panggaukanna.

Efesus 6:9

Ee, kamu' to puang! La susi too mipugauk lako kaunanmi, danggi' migarra'i. Ingaranni kumua ia to Puangna jao suruga ia bang una Puangmi, na te'da namangpasilaenan lako tolino.

Ibrani 2:2

Tongan to atoran agama naparatu malaeka' lako tojolota', na ia tocia' mpesa'dingngii ba'tu nturu'i, disessai situru' panggaukanna.

Kolose 4:1

Ee, kamu' to puang! La maruruh kamu' lako kaunanmi, danggi' mipasilaenanni. Ingaranni kumua te'da na kamu' manda to la dipekapuangngi, apa den toda Puangmi jao suruga.

Lukas 20:21

Mekutanami joo tau lako nakua, “Oo Guru, kiissen kumua tongan ngasan sininna kadan-Ta' sola pangngajah-Ta'. Te'da tapasilaenan tau, na maruruhki' mpangpangngajaran pakkaeloran-Na Puang Allataala.

Yudas 1:16

Ia joo guru tangtongan mangnuku-nuku tarruh, namangpasala bang. Pada nturu' bangri kamadoangan gaja'na. Matampo ncuritai to sininna apa napugauk. Nasedei to tau laen nakua anna kesaro.

Filemon 1:18

Ia ke denni salana, karugianmu ba'tu indanna lako iko, aku'mora mpuindanni.

Matius 16:27

Te'damo namasai kuratu, Aku' Anak Mentolino sola malaeka'-Ku', angkupupangngarrangngi to kamala'biran-Na Ambe'-Ku'. Ia joo wattu la kunii mbenni assele' panggaukanna to tolino.

Efesus 6:8

La mikanassai kumua, moi kaunan ba'tu tomaradeka pada la nnampa' pahalana jio mai Puang Allataala to sininna panggaukan melona.

2 Tesalonika 1:6

Maruruh to Puang Allataala, iamo joo nalampabalahhii panggaukanna to tompa'dikki kamu'.