Kolose 3:19 - Alkitab Duri

¹⁹ Ee, kamu' to muane! Pakamoja'i to bainemi. Danggi' mipasusii to todisua-sua bangra lan bolami.

Kolose 3:19 Referans Kwoze

1 Petrus 3:7

Ee, kamu' to muane kebainemo! Susi todami, la sikalino kamu' balimmi. La mitulungngi, sanga miissen kumua ia to kamawatanganna te'da napada kamawatanganna muane. La mitaratte'i, sanga miissen kumua pada la ntarima kamu' barakka' to naben kamu' Puang Allataala, iamo to katuoan melo te'da cappa'na. La mipugauk susi tee, na te'da apa hhalangngii to passambajangmi lako Puang Allataala.

Kolose 3:21

Ee, kamu' to ambe'! Danggi' mipa'dikkii to penawanna anakkami anna danggi' naka'tu rannu.

Efesus 5:25

Ee, kamu' muane! Pakamoja'i to bainemi susi Almaseh mangpakamoja' napangkaroban kalena ssulle tomatappa'.

Efesus 4:31

Danggi' mimapa'dik ati, mangpabalah, magalli, massipura, ngkada-kadai tau, maba'ci ba'tu laennapa.

Efesus 5:33

Jaji, ia to pangpakamoja'na muane lako bainena la pada pangpakamoja'na lako kalena, na ia to baine la ngkasiri' muanena.

Yakub 3:14

Apa ia ammipangngimburuan, ba'tu kamu' manda ssanga tau kalemi, danggi' pattuanni joo misanga kamaccan, nasaba' sisalamo to panggaukanmi na pangngajaran tongan.

Lukas 14:26

“Ia ke den tau la ratu lako kale-Ku', apa la'bih napakamoja'i ia to indona, ambe'na, balinna, anakkana, sile'tona, iarika kalena, ia joo tau te'da nakullei menjaji tonturu'na'.

Roma 3:14

Tampak ropu manda jio timunna na pangcacca.