Kolose 3:17 - Alkitab Duri

¹⁷ Moi apa mipugauk ba'tu mipau, ia to panggaukanmi la situru' panggaukanna umma'-Na Puang Isa. Mangkurru sumanga' kamu' lako Ambe' Puang Allataala, nasaba' apa to napugauk Puang Isa lako kalemi.

Kolose 3:17 Referans Kwoze

1 Korintus 10:31

Kupebalii, moi apa mipugauk, la kumanderaka la mangngiso'raka, la mipugaukki joo anna pakala'bihhi tau to Puang Allataala.

Kolose 3:23

Ianna den jaman nasuan kamu', la masumanga' kamu' njamai, susi ke Puang Allataala mipangjaman na tangngia tolino manda.

Kada Bulawan 3:6

Pakkaeloran-Nara Puang Allataala la muturu' namaruruh to lalan katuoanmu.

Efesus 5:20

La mangkurru sumanga' tarruh kamu' lako Ambe'ta' Puang Allataala mpau sangan-Na Puangta' Puang Isa Almaseh, nasaba' sininna to mangka napugauk lako kamu'.

1 Petrus 4:11

Ia to tomangngajah la mangngajahhi susi tonasuanni Puang Allataala. Na ia to tontulung padanna rupa tau, la mangtulung situru' kapakullean to nabenni Puang Allataala. Ia ke susimi joo la napakala'bih tau to Puang Allataala sanga Puang Isa Almaseh. Tomakuasa to Puang Allataala na sipato' dipakala'bih tarruh te'da cappa'na. Amin.

1 Tesalonika 5:18

Mida'tan bang mangkurru sumanga' lako Puang Allataala moi apa jaji lako kalemi, nasaba' iamo nakadoangngi jio mai kalemi to tomesa' penawa sola Puang Isa Almaseh.

1 Petrus 2:5

ammimenjaji toda susi batu to napake Roh Allataala mpake'deh Bola Puang Allataala. Menjaji toomo kamu' susi imang to mpangjaman mandamo Puang Allataala. Na susi imang mangkaroba, la susi toda kamu' la mpangkaroban kalemi lako Puang Allataala susi to napatujuan kamu' Roh Allataala. Na ia joo karoba napumasannang Puang Allataala nasaba' Puang Isa Almaseh.

Ibrani 13:15

Iamo joo antatuli mpassompan karoba pangpujian lako Puang Allataala, iamo to kadanta' mpujii, sanga Puang Isa.

1 Yahya 3:18

Ee, tokupuanak! Danggi' na jio mandara timu, ba'tu kadanta' mandara to pangpakamoja'. Apa nang la mangpakamoja' tonganki', to pajan jio panggaukanta'.

1 Petrus 2:9

Apa kamu'mo to bangsa napileimo Puang Allataala, ammimenjaji imangna Raja to mipangjaman. Napupenjaji kamu' bangsa to disarakki jio mai bangsa laen ammimenjaji tau mesan-Na. Napileimo kamu' la mpangpeissenan panggaukan-Na to te'da susinna. Iamo ntambai kamu' messun lan mai kamasolangan, ammimentama kamasannangan to liwa' mejangngaran.

Filipi 2:11

Na sininna tokepenawa la mangngaku kumua, “Puang to Isa Almaseh”, anna la dipakala'bih to Ambe' Puang Allataala.

Jamanna Rasulu' 4:30

Papajanmi to kuasan-Ta', angkiwa'ding mpamalagah tomasaki, sola mpugauk tanda mejangngaran mpake kuasan-Na Puang Isa, kaunan mattantun-Ta'.”

2 Tesalonika 2:17

Iamo joo dennaa upa' napamasumanga' tarruh kamu' mpugaukki to sininna kameloan, la panggaukanmi, la buangan kadammi.

Filipi 1:11

na melo tarruh sipa'mi, nasaba' Puang Isa Almaseh, anna dipakala'bih to Puang Allataala.

Jamanna Rasulu' 19:17

Nasa'ding ngasan to-Yahudi sola to-Yunani to torro jio kota Efesus joo, namemmalaja'. Sadipakala'bih-la'bihnami to Puang Isa.

Kolose 1:12

mituli mangkurru sumanga' lako Ambe'ta' Puang Allataala. Ia mpasipato' kamu' la nnampa'i jao suruga to apa nabasse lako umma'-Na.

Efesus 1:17

Kupassambajangan kamu' lako Puang Allataala, Ambe' mala'bih, Puang-Na Puangta' Puang Isa Almaseh, anna ia to Roh Allataala mben kamu' kapaissenan, ammiwa'ding nnissen tonganni to Puang Allataala.

Kolose 2:7

La tatta' kamu' memmesa' sola Almaseh, mirannuanni. La samatappa'-tappa'na toomo kamu' lako Almaseh, susi to mangka diajaran kamu'. La tuli mangkurru sumanga' too kamu' lako Almaseh.

Matius 28:19

Iamo joo malemo kamu' lako sininna bangsa lan lino, mipupenjajii taung-Ku'. Jio'i mpau sangan-Na Ambe', Anak na Roh Allataala.

1 Yahya 2:23

Ia to tote'da natarimai to Anak, battuananna te'da too natarimai to Ambe'. Ia tontarimai to Anak, battuananna natarima tooi to Ambe'.

Roma 1:8

Mangkurru sumanga'na' lako Puangku' Puang Allataala, mpau sangan-Na Puang Isa Almaseh, nasaba' naissen ngasanmo sininna bangsa kumua ia to kamu' to-Roma matappa' tongan lako Puang Isa Almaseh.

Ibrani 1:5

Moi mesa' malaeka' te'da naden nakuan Puang Allataala, “Ikomo anak-Ku'. Mammula tee too Aku'mo ambe'mu.” Te'da too naden nakuanni to malaeka' kumua, “La napuambe'na', na ia la kupuanak.”

1 Tesalonika 1:1

Ee, tomala'bihku', tomatappa' lako Ambe' Puang Allataala sola Puang Isa Almaseh! Aku' Paulus nnuki'i tee sura' sola Silas na Timotius lako kamu' jamaa jio kota Tesalonika. Dennaa upa' nabarakka'i kamu' Puang Allataala, naben kamu' kamasannangan.

Kolose 3:15

Napileimo kamu' Almaseh menjaji susi lesoan batang kale-Na. La sikalino kamu' sola padammi tomatappa'. Eloranni kamasannangan to pole jio mai Almaseh, ngkuasai penawammi. La mangkurru sumanga' too kamu' lako Puang Allataala.