Kolose 3:15 - Alkitab Duri

¹⁵ Napileimo kamu' Almaseh menjaji susi lesoan batang kale-Na. La sikalino kamu' sola padammi tomatappa'. Eloranni kamasannangan to pole jio mai Almaseh, ngkuasai penawammi. La mangkurru sumanga' too kamu' lako Puang Allataala.

Kolose 3:15 Referans Kwoze

Yahya 14:27

Kupatorroan kamu' to la mipumasannang, iamo to kamasannangan pole jio mai Aku'. Ia joo kamasannangan kuben kamu' te'da nasusi to naben kamu' tolino. Danggi' mimausa' ba'tu malaja'.

Roma 15:13

Puang Allataala Iamo rannummi. Dennaa upa' naben kamu' kamarioan sola kamasannangan, nasaba' mikatappa'i, na ia to Roh Allataala mpamawatang kaparannuanmi lako Puang Allataala.

1 Tesalonika 5:18

Mida'tan bang mangkurru sumanga' lako Puang Allataala moi apa jaji lako kalemi, nasaba' iamo nakadoangngi jio mai kalemi to tomesa' penawa sola Puang Isa Almaseh.

Roma 5:1

Napupenjaji tomeloki' Puang Allataala, nasaba' kamatapparanta'. Iamo joo tasikalino pole'mo Puang Allataala. Sininna tee jaji, nasaba' Puangta' Puang Isa Almaseh.

Kolose 3:17

Moi apa mipugauk ba'tu mipau, ia to panggaukanmi la situru' panggaukanna umma'-Na Puang Isa. Mangkurru sumanga' kamu' lako Ambe' Puang Allataala, nasaba' apa to napugauk Puang Isa lako kalemi.

Yahya 16:33

Kupauan ngasanmo kamu' tee, ammiampa' kamasannangan nasaba' memmesa'mo kamu' sola Aku'. La maparri' kamu' dipakario-rio lan lino. Apa pemawatangngii penawammi, nasaba' mangkamo' ntaloi kuasanna lino.”

Efesus 5:20

La mangkurru sumanga' tarruh kamu' lako Ambe'ta' Puang Allataala mpau sangan-Na Puangta' Puang Isa Almaseh, nasaba' sininna to mangka napugauk lako kamu'.

2 Korintus 9:11

La napabarakka'i kamu' to sininna apa miparallui, ammituli mangpangben situru' canning atimmi. Na ia ke kitawa-tawanni to-Yudea to pangpabenganmi, buda tau la mangkurru sumanga' lako Puang Allataala.

Efesus 4:4

Ia to tomatappa' dipasangrapang mesa' batang kale. Mesa' toora Roh Allataala. Susi too mesa'ra to mirannuan jio mai Puang Allataala to mangka mpilei kamu' menjaji umma'-Na.

Roma 14:17

Ia ke Puang Allataala ngkuasai to katuoanna tau, tangngia dikandena ba'tu diiso'na to parallu, apa iara to kasikalinoan pole' Puang Allataala, mpugauk pakkaeloran-Na, na kamasannangan to nabenni Roh Allataala.

1 Timotius 2:1

Kaminang paralluna' mpeta'dai ammimpassambajanganni, mpeta'da doanganni sola mpangkurrusumangasan sininna tau,

Kolose 2:7

La tatta' kamu' memmesa' sola Almaseh, mirannuanni. La samatappa'-tappa'na toomo kamu' lako Almaseh, susi to mangka diajaran kamu'. La tuli mangkurru sumanga' too kamu' lako Almaseh.

Efesus 5:1

Turu'i to sipa'-Na Puang Allataala, nasaba' kamu'mo anak napakamoja'.

2 Korintus 4:15

Ia to kamaparrisan kiperasai la mipumelona. Nasaba' ia ke sabuda-budanna tau mperasai kameloan penawan-Na Puang Allataala, sabuda-budanna tooi pangkurrusumanga' dipaendek de' Puang Allataala, anna Ia manda dipakala'bih.

Pengkitanna Yahya 7:12

Mangkadai nakua, “Amin. Dipuji sola dipakala'bih Puangta' Puang Allataala to paissen. Sipato' dipabumbunni kada kurru sumanga' sola kadianggasan. Ia kuasa namawatang te'da cappa'na. Amin.”

Efesus 4:16

na ia tee kita' dipasangrapang mangrupa-rupa lesoan batang kale-Na Almaseh. Te'da natiseran joo kale, nasaba' Almaseh nnampaii. Saloboh-lobohna na samawatang-watangna to kale, ke sipakamoja'ki' na pada mpangjamanki' Puang situru' barakka' to mangka dibenki'.

Kolose 1:12

mituli mangkurru sumanga' lako Ambe'ta' Puang Allataala. Ia mpasipato' kamu' la nnampa'i jao suruga to apa nabasse lako umma'-Na.

Ibrani 13:15

Iamo joo antatuli mpassompan karoba pangpujian lako Puang Allataala, iamo to kadanta' mpujii, sanga Puang Isa.

1 Korintus 7:15

Apa ia ke meta'dai to totangmatappa' disarak, ake'mo naeloranni tomatappa' namale. Kamu' to tomatappa'mo te'da midiparuku torro tarruh sola balimmi ke susii joo. Apa madoangri Puang Allataala kumua misikalino.

Roma 1:21

Moi naissen to Puang Allataala, te'da napakala'bihhi na te'da too namadoang mangkurru sumanga' lako. Kannori to tangparallunna napikkiri', na te'damo napahangngi to pangngajaran tongan.

Yunus 2:9

Apa ia to aku' la mangkurru sumanga'na' lako kale-Ta' angkupassompan karoba, kupugauk too sininna tinja'ku', nasaba' PUANG Allataala manda to wa'ding mpasalama' tau.”

1 Korintus 10:17

Jaji, moi budaki', susimiriki' to mesa' batang kale, nasaba' mesa'ra joo roti to takande.

1 Timotius 6:12

Moi nabuda ewalimmu, apa la tatta'ko matappa', ammutarima paraseng katuoan melo te'da cappa'na. Iamo joo napileimoko Puang Allataala, tommumangngaku jio olona tobuda kumua matappa'moko lako Puang Isa Almaseh.