Kolose 3:13 - Alkitab Duri

¹³ Sisabbarasan kamu' ke denni to sala lako kalemi, ammidampanganni. Susi Puang Allataala mangka ndampangan kamu', susi too to tau laen la midampangan.

Kolose 3:13 Referans Kwoze

Efesus 4:32

Apa la sipemeloan penawa kamu', misikamasean, misidampangan too susi Puang Allataala ndampangan kamu' nasaba' Almaseh.

Markus 11:25

Na ia ammimassambajang, na den tau mipemannan, dampanganni jolo', anna dampangan toda kamu' Ambe'mi jao suruga. [

Yakub 2:13

Ianna te'da takamasei padanta' rupa tau, te'da toda nakamaseiki' Puang Allataala ke dibicaraki'. Apa ia antakamasei padanta' rupa tau, te'da nalasessaki' Puang Allataala ke Kiama'mi lino.

Efesus 4:2

Danggi' mimatampo, sipangkada rampa' kamu', sisabbarasan kamu' ammisipakamoja' too.

Matius 6:12

Dampangankan, susi kami' ndampangan tokasalan lako kaleki'.

2 Korintus 6:6

Manassa kumua tonasuakan Puang Allataala, sanga mpugaukkan kamarurusan, buda kapaissenan nabenkan Puang, sabbara'kan sola melo penawangki', torro to Roh Allataala lan kaleki', mangpakamoja' tongankan,

Galatia 6:2

La sibalian kamu' mpassan pamawanmi, sanga iamo joo la minii mpugaukki to atoran-Na Almaseh.

2 Korintus 2:10

Ia ammidampanganni to tomangka mpugauk kasalan lako kalemi, moi aku' kudampangan tooi. Nasaba' ia ke denni to parallu didampangan, kudampanganni sanga Almaseh, ammipumeloi.

Lukas 23:34

Massambajangngi Puang Isa nakua, “Oo, Ambe', dampanganni tee mai tau! Te'da naissenni apa to napugauk.” Namane' lotereii surudadu to pakean-Na la nanii nnissenni kumua umbonnara to la naputawa.

Lukas 11:4

Dampangankan, nasaba' kidampangan tooi to tokasalan lako kaleki'. Danggi' taelorankan ta'de kamatapparanki' ke disedekan mpugauk kasalan.’ ”

Matius 5:44

Apa kukuan kamu' kumua, pakamoja'i to ewalimmi, mipassambajanganni to tompakario-rio kamu',

1 Petrus 2:21

Napileimo kamu' Puang Allataala mpugaukki susi joo. Moi Almaseh mperasai pa'dik ssulle kamu', anna menjaji palelean mata lako kamu' ammituru'i.

Roma 15:7

La sitarima melo kamu' mesa' sola mesa', susi Almaseh mangkamo ntarima kamu', anna dipakala'bih to Puang Allataala.

Kolose 3:12

Napakamoja' kamu' Puang Allataala na mangkamo kamu' napilei menjaji tau mesan-Na. Iamo joo la sikamasean kamu' padammi rupa tau, melo penawa, danggi' matampo, mangkada rampa' lako tau, sola sabbara' kamu'.

Efesus 5:2

La sikamasean kamu' susi Almaseh ngkamaseiki', iamo na mpangkaroban kalena la mpasalama'ki'. Ia joo kamatean-Na susi karoba bunangngu' to napumasannang Puang Allataala.

Kada Bulawan 19:11

Pangpikkirisan melo mpasabbara' tau, na dipuji to tau, nasaba' te'da napallan penawai to kasalan napugauk tau lako kalena.