Kolose 3:12 - Alkitab Duri

¹² Napakamoja' kamu' Puang Allataala na mangkamo kamu' napilei menjaji tau mesan-Na. Iamo joo la sikamasean kamu' padammi rupa tau, melo penawa, danggi' matampo, mangkada rampa' lako tau, sola sabbara' kamu'.

Kolose 3:12 Referans Kwoze

Efesus 4:32

Apa la sipemeloan penawa kamu', misikamasean, misidampangan too susi Puang Allataala ndampangan kamu' nasaba' Almaseh.

Efesus 4:2

Danggi' mimatampo, sipangkada rampa' kamu', sisabbarasan kamu' ammisipakamoja' too.

1 Yahya 4:19

Mangpakamoja'ki', nasaba' napakamoja'ki' Puang Allataala.

Kolose 3:10

Mangkamo kamu' diben katuoan baru. Menjajimo kamu' tau baru to napaden Puang Allataala. Na da'tan bang kamu' dibarui, ammisannissen-issenna Puang Allataala sola ammisasusi-susinna sipa'-Na.

2 Petrus 1:10

Ee, tomala'bihku' sola ngasan! Napileimo kamu' Puang Allataala menjaji umma'-Na anna tambai kamu' nturu'i. Iamo joo la mipengkulle-kullei nturu' pakkaeloran-Na, anna manassa lako kalemi sola tolaen kumua tongannamo kamu' napilei Puang Allataala. Na ia ke mipugaukki susi joo, te'damo milampugauk pole'i to sipa' jolomi.

1 Tesalonika 5:15

Jagaii na danggi' naden tau mangpabalahhi panggaukan gaja' na gaja'. Mipengkulle-kulleii ammituli mpugauk kameloan lako padammi tomatappa' na lako sininna tau.

2 Korintus 6:6

Manassa kumua tonasuakan Puang Allataala, sanga mpugaukkan kamarurusan, buda kapaissenan nabenkan Puang, sabbara'kan sola melo penawangki', torro to Roh Allataala lan kaleki', mangpakamoja' tongankan,

Galatia 5:6

Ia ke sirapumiki' Puang Isa Almaseh, te'damo silaenanna todisunna' ba'tu totangdisunna'. Apa ia to parallu, iara to kamatapparan lako Puang Isa Almaseh, to napamanassa kasipakamojatanta' padanta' rupa tau.

1 Petrus 1:2

Napileimo kamu' Ambe' Puang Allataala susi to pura napattantu jolona. Roh Allataalamo mpupenjaji kamu' tau mesan-Na, ammimengkaturu' lako Puang Isa Almaseh to ndampangan kamu' mpake rara-Na. Dennaa upa' naben kamu' Puang Allataala sabuda-budanna barakka' sola kamasannangan.

2 Timotius 2:10

Namawatang bangna' ntarima ngasanni, nasaba' kaparalluanna to tau mangkamo napilei Puang Allataala, dikua nalolongan kasalamatan jio mai Puang Isa Almaseh, sola kamala'biran te'da cappa'na.

Roma 1:7

Iami joo na aku' Paulus nnukiran kamu' tee sura' mati'. Dennaa upa' nabarakka'i kamu' Ambe'ta' Puang Allataala sola Puang Isa Almaseh, naben kamu' kamasannangan.

Titus 1:1

Ee, Titus to kupuanak! Aku', Paulus, mesa'na' taun-Na Puang Allataala na rasulu'-Na Puang Isa Almaseh ngkiringanko tee sura'. Dipileina' angkuajahhi to tonapilei Puang Allataala, namatappa' tongan. Dipilei toona' mpatuju ngasanni, anna issenni to pangngajaran tongan, natuo situru' pakkaeloran-Na Puang,

Matius 24:31

Dipannonii to tarompe' gaja tonggo, angkumane' ssuai to malaeka'-Ku', rrempun ngasanni to taung-Ku' jio mai sulapa'na lino.”

Lukas 18:7

La'bih-la'bih Puang Allataala la ntulung sininna tonapileimo, to massambajang bang allo-bongi. Te'da namangmela'-mela' ntulung umma'-Na!

Lukas 1:78

Mamase na manana' Puangta'. Ratumi la mpasalama'ki'. Susi to allo ollong ke makale'

Markus 13:27

Kumane' ssuai to malaeka'-Ku' rrempun ngasanni to umma'-Ku' jio mai sulapa'na lino.”

Efesus 4:24

ammipamulai to katuoan baru situru' pakkaeloran-Na Puang Allataala. La maruruh na tongan to panggaukanmi susi sipato'na tau mesan-Na Puang.

2 Timotius 1:9

Napileimiki' Puang Allataala menjaji umma'-Na, napasalama'ki'. Tangngia kumua mpugaukmiki' kameloan anna pugaukki susi joo, apa naakkattai memanmo situru' kameloan penawan-Na, tonna te'dapa nadipaden tee lino. Naakkattai kumua la napakitanki' Puang Isa Almaseh to kameloan penawan-Na Puang.

Filipi 1:8

Nakitana' Puang Allataala na naissen kumua kukamali' gajamo kamu'. Kupakamoja' kamu' susi Puang Isa Almaseh mangpakamoja'.

Efesus 1:4

Napakamoja'ki' Puang Allataala. Napileimiki' tonna te'dapa nadipaden tee lino nasaba' Almaseh, antawa'ding menjaji tau mesan-Na nate'da caccata' ba'tu kakuranganta'.

Roma 9:11

Nakua Puang Allataala lako Ribka kumua, “Ia to pamungah la mengkaunan lako adinna.” Ia joo wattu te'dapa najaji joo pea dua, na te'dapa napugauk melo iarika gaja', apa pura napattantumo Puang Allataala to tonapilei. Jaji pajan kumua ia to tonapilei-Na Puang Allataala, te'da nasituru' to apa napugauk tolino, apa situru' eloh-Na Puang.

Markus 13:22

Nasaba' buda nabi tangtongan sola tossanga kalena tomangpasalama' la mpangpekitan kalena. La mpugauk mangrupa-rupa tanda mejangngaran sola panggaukan mekalajatan, la mpalao sala tau, na ke wa'dingngi moi too umma'-Na Puang Allataala.

Markus 13:20

Na ia kenna te'da napemadoi'i Puang Allataala nnanggeii joo wattunna, te'damo tau la salama'. Apa napemadoi'i nnanggei, nasaba' umma'-Na to mangka napilei.

Matius 24:22

Na ia kenna te'da napemadoi'i Puang Allataala nnanggeii joo wattunna, te'damo tau la salama'. Apa napemadoi'i, nasaba' umma'-Na to mangka napilei.

Pengkitanna Yahya 17:14

Namane' mangrari joo olok-olok sola tuu lako raja nnewa Anak Bembala'. Apa ia joo Anak Bembala' ntaloi sola tau matappa'-Na, sanga iamo Puangna sininna puang na Rajana sininna raja.” Ia to taun-Na, iamo to mangka napilei anna pakedoi penawanna.

2 Yahya 1:13

Massallang todai to anakkuremi jio mai sile'tomi baine, to napilei toomo Puang Allataala. Padamo jolo' too.

Matius 24:24

Nasaba' buda nabi tangtongan sola tossanga kalena tomangpasalama' la mpangpekitan kalena. La mpugauk mangrupa-rupa tanda mejangngaran sola panggaukan mekalajatan, la mpalao sala tau, na ke wa'dingngi moi too umma'-Na Puang Allataala.

Roma 13:14

Ake'mo na Puang Isa Almaseh mpatuju kamu' to sipato'na mipugauk. Danggi' mituru'i bang kamadoangan gaja'mi.

1 Korintus 13:4

Ia to tompakamoja' padanna rupa tau tosabbara', tomelo penawa, tote'da napangngimburuan, tote'da napamatande kalena, tote'da namatampo,