Kolose 2:8 - Alkitab Duri

⁸ Majaga kamu', danggi' naden tau mpalao sala kamu' nnajahhi kamu' kapaissenan tolino ammimengkaunan pole'. Te'da bua'na joo kapaissenan tolino, na te'da too napole jio mai Almaseh, apa pole jio mai tomakuasa ba'tu tomangparenta jao langi' to ngkuasai lino na pangngajaran disimanahhi jio mai tojolota'.

Kolose 2:8 Referans Kwoze

1 Timotius 6:20

Ee, Timotius! La mujagai melo to pangngajaran napabarakkananko Puang Allataala. Danggi' mumatean wattu lako curita tangkebattuanna to tangkasiri' Puang Allataala, mupasalai tooi penawa to kasite'geran te'da bua'na, to nasanga tau kamaccan apa sitonganna tangngia.

Efesus 5:6

Danggi' mieloranni to tau susi joo mpalao sala kamu' mpake kada-kada mala'bih apa sitonganna te'da natongan. Nasaba' mabirih Puang Allataala lako to tocia' nturu' parenta-Na.

Matius 7:15

Mangpakainga'mi Puang Isa nakua, “Majaga melo kamu' lako nabi tangtongan, to mentama tangnga-tangngami mangmalamma-lamma susi bembala', apa sitonganna susi asu lampung penawanna.

Galatia 4:9

Apa ia tee too, umbora mikua mimadoang bangpa mengkaunan pole' lako tuu lako dewata, na miissenmo to Puang Allataala, ba'tu la'bih manassa ke dikua naissenmo kamu' Puang Allataala. Mipugauk bang unapa to mpattantu allo, bulan, wattu, na taun minii mangmaroah-roah. Na ia tuu lako dewata te'da bua'na na te'da nakullei mpupenjaji kamu' tomelo.

Kolose 2:20

Wa'ding dipau kumua mangkamo kamu' mate sola Almaseh, battuananna dila'paranmo kamu' jio mai kuasanna sininna tomakuasa ba'tu tomangparenta jao langi' to ngkuasai lino. Ia ke susii joo, ciapari mituru' unapi joo atoran susi to napugauk totangnturu' Puang?

2 Timotius 3:13

apa ia to togaja' na topangnguraga la sagaja'-gaja'nai. Ia tuu lako tau nnuraga tau laen, apa sitonganna moi ia diuraga too.

2 Petrus 3:17

Apa ia to kamu' to kupakamoja' miissen ngasanmo joo. Majaga kamu', danggi' mieloranni joo guru tangtongan mpalao sala kamu', miarannai bata, na te'damo mimatappa'.

Ibrani 13:9

Danggi' mieloranni to mangrupa-rupa pangngajaran to sisala Kareba Kasalamatan mpatuju sala kamu'. Iara to kameloan penawan-Na Puang Allataala to la mpamawatang penawanta', tangngiara kande. Ia joo atoran kande te'da lalomo bua'na lako tonturu'i.

2 Yahya 1:8

Iamo joo mijagai meloi to apa kipengkulleimo mpugaukki ammida'tan matappa' lako Puang Isa. Ia ke te'damo mimatappa', te'da milannampa' katuoan melo te'da cappa'na jio mai Puang Allataala.

Galatia 4:3

Susi toomi kita', ia tonna jolona susipiki' pea napukaunan dewata lan tee lino.

2 Korintus 10:5

tomatampo, na tohhalangngi tau nnissen Puang Allataala. Na ia joo kuasan-Na kipake too mpabalik pangtangngaranna tau, anna menturu' lako Almaseh.

Kolose 2:18

Danggi' mieloran kalemi dipasala ke te'da mituru' pangngajaranna tuu lako tau. Naanggai' ssessa kalena, na ssompa malaeka', denmo nakita pengkita. Ia to pikkirisanna to te'da bua'na mpumemmatampoi tuu lako tau,

1 Petrus 1:18

Napukaunan kamu' jolo to sipa' te'da bua'na to mimanah jio mai tojolomi. Miissen to apa mangka napake Puang lla'bak kamu' ammikullei mpatorro sipa' jolomi. Ia to pela'bak tangngia ewanan la masolang, susinna pera' ba'tu bulawan,

Roma 16:17

Ee, tokupusile'to! Kupakainga' kamu', majaga kamu' lako to mpaden bang kasisakkan, na mpaputta kamatapparan lako Puang Allataala. Ia to pangngajaranna sisala to pura diajaran kamu'. Danggi' misiama'.

Efesus 4:20

Na ia to Almaseh to diajaran kamu' te'da ia nasusi sipa'na joo.

Galatia 1:14

angkusamacca-maccanna lan agama Yahudi, kucau' ngasanni to sangbara'ku' jio bangsaku', sanga liwa' kukanana'i to atoran tojoloku'.

Filipi 3:2

Majaga kamu' lako guru tangtongan, nasaba' gaja' to sipa'na susi sipa' asu. Majaga kamu' lako to tomangparuku massunna',

Matius 16:6

Mangkadami Puang Isa nakua, “Majaga kamu' lako raginna to-Farisi sola to-Saduki.”

Matius 10:17

La majaga kamu', nasaba' la dijokko kamu', ammidipangngolo lako tomangra'tah kara-kara. La dirambi kamu' lan bola passambajangan.

Kolose 2:22

Te'da napumeloi tau joo atoran, nasaba' panggaraga tolinora, na la dicappu'i dikande ba'tu diiso' joo apa dianggai.

Efesus 2:2

Ia joo wattu ia to panggaukanmi susi bang to panggaukanna tolino to tangnturu' Puang, ammituru' Ballisi' jao langi' to mparenta sininna setang. Iamo tatta' ngkuasaii to totangmatappa' lako Puang Allataala.

Jamanna Rasulu' 17:18

Sihakiki tooi sola guru to nturu' pangngajaranna Epikuros na Stoa. Denni to mangkada nakua, “Apara la naissen tee tau! Sangkanuku malotongra to paissenna, apa buda kadari!” Ba'tu pira-pira tolaen nakua, “Susi ia to mpangpeissenan dewata jio mai tondok laen.” Ia namangkada susi joo, nasaba' ia to Puang Isa na katuoanna pole' tolino jio mai kamatean napangpeissenan Paulus.

Jamanna Rasulu' 17:32

Ia tonna sa'dingmi tau tee kadanna Paulus, denni to mpetawaii, nasaba' te'da nakatappa'i kumua la tuo pole' to tau jio mai kamatean. Den too to kumua, “Madoang unapakan ssa'ding pole'ko mpaui tee.”

1 Korintus 8:9

Apa ingaranni! Moi wa'ding kamu' ngkandei joo juku' nasaba' kapaissenanmi, danggi' anna kamu' napusaba' namenjaji madosa to tolaen to te'dapa namasaranian, sanga nakita kamu' ngkandei joo juku'.

1 Korintus 10:12

Jaji, ia to tossanga kalena matappa' tongan, la majagai nadanggi' namenjaji tomadosa susi tuu lako tau tonna anu'.

Galatia 5:15

Apa ia ke sikaba'ci kamu', iarika sipa'dikan ati kamu', jagai danggi' misipandasa.

Kolose 2:23

Nasanga tau kumua melo joo atoran, nasaba' ia to tonturu'i dikita kumua tomangngagama, nasaba' mpamajiongngi kalena sola ssessa kalena, apa sitonganna te'da bua'na, napakeri mpasau penawanna.

Ibrani 3:12

Ee, tomala'bihku'! Ingaran meloi, danggi' naden to mangpenawa gaja' susi joo, ammicia' matappa' lako Puang Allataala to tuo.