Kolose 2:5 - Alkitab Duri

⁵ Moi tapada mambela, apa ia to penawangku' torro lan tangnga-tangngami. Na liwa'na' mario ssa'dingngi kumua mesa' penawa kamu' na mawatang too to kamatapparanmi lako Almaseh.

Kolose 2:5 Referans Kwoze

1 Tesalonika 2:17

Ee, tomala'bihku' sola ngasan! Gaja mali'kan moi cingga'tu'riki' sisarak. Moi tapada mambela nang sikandoppi'ki' lan penawa. Iamo joo kipengkulle-kullei la ssikitan pole' kamu'.

1 Petrus 5:9

La mawatang kamu' matappa' nnewai, nasaba' miissen kumua ia to padammi tomatappa' lan lili'na lino maparri' toda susi kamu'.

1 Korintus 16:13

La majaga kamu', mituru' tarruhhi to pangngajaran tongan. Barani kamu' mipamawatang tooi to kamatapparanmi.

Ibrani 3:14

Sanga kita' ngasanmo nnampa' barakka' jio mai Almaseh, ke matappa' tarruhki' susi tontamane' matappa' ratu lako ssalainta' lino.

1 Korintus 14:40

La mipasirundunan meloi to sininna apa, susi to sipato'na.

Ibrani 6:19

Ia joo rannunta' susi jangkar titanan mandalan antasamatappa'-tappa'na. Ia joo rannunta' ntarruh kaen pesapa' Ngenan Kaminang Macero jio Bola Puang Allataala jao suruga antamangngolo lako Puang Allataala.

1 Tesalonika 3:8

Ia tee too matana tonganmokan, sanga samatappa'-tappa'mimo lako Puang.

1 Korintus 15:58

Ee, tomala'bihku' to kupakamoja'! Iamo joo la mpemawatangngi kamu' kamatapparanmi, danggi' nasitawa-tawa to penawammi. La mpangjaman tarruh kamu' Puang Allataala, nasaba' miissen kumua, sininna to apa mijaman Puang Allataala, den ngasan bua'na.

Kolose 2:1

Madoangna' ke miissenni kumua kupangjaman tongan kamu' la mpugaukki to mipumelona, sola tomatappa' jio kota Laodikia na kota laen, moiraka na te'dapa tasitammu.

1 Korintus 11:34

Ia ke denni to tangbarahmo, melo ke kumandei jolo' jio bolana, anna ia to kasirempunanmi te'da naparatuan kamu' pangsessa jio mai Puang Allataala. Ia to apa laennapa ratupa' mati' kumane' mpamanassan kamu'.

Jamanna Rasulu' 2:42

Nalundukki tarruh melajah lako rasulu' to tau. Na tuli sirempun too kumande sola, mpugauk Kakumandean Macero na massambajang.

Rut 1:18

Ia tonna kitai Naomi kumua mattongan-tonganni Rut meundi, te'damo apa napau.

Jamanna Rasulu' 20:21

Tuli kupangngingaran la lako to-Yahudi na lako bangsa laen anna mengkatoba' jio mai dosana, na mpangben kalena lako Puang Allataala, na matappa' lako Puangta' Puang Isa.