Kolose 2:4 - Alkitab Duri

⁴ Kupauan kamu' tee kumua danggi' naden tau mpalao sala kamu', to nnanggai'-gai' bangra mpangkadai melo kamu'.

Kolose 2:4 Referans Kwoze

1 Yahya 4:1

Ee, tomala'bihku' to kupakamoja'! Danggi' mikatappa'i ngasan bangngi to tomangngaku nnampui Roh Allataala, apa pemanassai jolo' kumua Roh Allataala tonganmoraka to naampui, ba'tu tangngiaraka. Nasaba' budamo nabi tangtongan male bang llelei tondok.

Efesus 4:14

Te'damo tasusi tontamane' matappa' napamale melako mangrupa-rupa pangngajaranna tokalasi, to madoang mpalao sala ba'tu nnuragaki'.

Matius 24:4

Mebalimi Puang Isa nakua, “Majaga kamu', danggi' naden tau mpalao sala kamu'.

2 Yahya 1:7

Buda tompalao sala tau male bang llelei tondok. Ia tuu lako tau te'da naakuii kumua mentolinomo to Puang Isa. Ia to mangkada susi joo, tompalao sala tau na tonnewa Almaseh.

Markus 13:22

Nasaba' buda nabi tangtongan sola tossanga kalena tomangpasalama' la mpangpekitan kalena. La mpugauk mangrupa-rupa tanda mejangngaran sola panggaukan mekalajatan, la mpalao sala tau, na ke wa'dingngi moi too umma'-Na Puang Allataala.

Pengkitanna Yahya 20:8

anna male lako sulapa'na lino mpalao sala bangsa, iamo to to-Gog sola to-Magog. La narempunni tuu lako tau la mangrari. Liwa' budanna tuu lako tau susi kassi' jio randan tasik.

2 Timotius 3:13

apa ia to togaja' na topangnguraga la sagaja'-gaja'nai. Ia tuu lako tau nnuraga tau laen, apa sitonganna moi ia diuraga too.

2 Timotius 2:16

Danggi' mumatean wattu lako curita tangkebattuanna to tangkasiri' Puang Allataala. Nasaba' ia to tomangcurita susi joo sagaja'-gaja'na.

Efesus 5:6

Danggi' mieloranni to tau susi joo mpalao sala kamu' mpake kada-kada mala'bih apa sitonganna te'da natongan. Nasaba' mabirih Puang Allataala lako to tocia' nturu' parenta-Na.

Jamanna Rasulu' 20:30

Na den too kamu' lan mai tangnga-tangngami la mpangpeissenan kareba tangtongan. Ia napugaukki susi joo la mpalao salari to tomatappa'mo lako Puang Isa nakua anna ia naturu'.

Pengkitanna Yahya 20:3

Namane' pembuanganni joo naga do' posi' tana, nagoncingngi to lalan, nasegel tooi sangsa'bu taunna, danggi' napalao sala bangsa lan lino, ke te'dapi naangge to wattu sangsa'bu taunna. Mangkai joo too la dila'paranni cingga'tu'.

Pengkitanna Yahya 13:8

La nasompa sininna to totuo lan lino, saliwanna to tomangkamo diuki' sanganna lan Sura' Katuoan tonna te'dapa nadipaden tee lino. Ia to Sura' Katuoan, sura'-Na Anak Bembala' to mangkamo digere'.

Pengkitanna Yahya 12:9

nadipenca'bean tama lino sola sininna malaeka'na. Ia to naga, iamo to ulah tua disanga Ballisi' ba'tu puanggawana setang to mpalao sala sininna tau lan lino.

1 Yahya 2:26

Kuukiran kamu' tee sura', nasaba' den tau mpengkulle-kulleii la mpalao sala kamu'.

1 Yahya 2:18

Ee, tokupuanak! La Kiama'mi lino. Mangkamo kamu' dipauan kumua la ratumi to tonnewa Almaseh, na budamo to mpapajan kalena tee too. Iamo tandana kumua la Kiama'mi lino.

Kolose 2:18

Danggi' mieloran kalemi dipasala ke te'da mituru' pangngajaranna tuu lako tau. Naanggai' ssessa kalena, na ssompa malaeka', denmo nakita pengkita. Ia to pikkirisanna to te'da bua'na mpumemmatampoi tuu lako tau,

Kolose 2:8

Majaga kamu', danggi' naden tau mpalao sala kamu' nnajahhi kamu' kapaissenan tolino ammimengkaunan pole'. Te'da bua'na joo kapaissenan tolino, na te'da too napole jio mai Almaseh, apa pole jio mai tomakuasa ba'tu tomangparenta jao langi' to ngkuasai lino na pangngajaran disimanahhi jio mai tojolota'.

Galatia 2:4

moi naden ba'tu pira-pira tau la mpangpeparukuanni. Puang Isa Almaseh mangka lla'paranki' jio mai atoran agama, apa ia tuu lako tau to sitonganna tangngia padanta' tomatappa' mentama buni tangnga-tangngata' la hhalangngii to kadila'paranta', dikua napukaunan pole'ki' atoran agama.

2 Korintus 11:3

Apa magiangna', iamo ke denni to mpalao sala kamu' ammicia'mo matappa' tongan lako Almaseh susi jolona. Susi todai Hawa tonna anu' tonna sedei ulah napalao salai.

1 Korintus 2:4

Ia tongkupangpeissenan Kareba Kasalamatan lako kamu', te'da kupake kada massede to la nnala penawammi susi kada tomacca. Apa ia to kuasan-Na Roh Allataala pajan lan kadangku'.

Matius 24:24

Nasaba' buda nabi tangtongan sola tossanga kalena tomangpasalama' la mpangpekitan kalena. La mpugauk mangrupa-rupa tanda mejangngaran sola panggaukan mekalajatan, la mpalao sala tau, na ke wa'dingngi moi too umma'-Na Puang Allataala.

Efesus 4:17

Kuasan-Na Puang kupangngingaran kamu' kumua, “Danggi' omo mimessipa' susi totangnturu' Puang Allataala.” Tangsipato'na bang to napikkiri' tuu lako tau,