Kolose 2:14 - Alkitab Duri

¹⁴ Nata'dei Puang Allataala to sura' dinii nnuki'i to sininna panggaukanta' to ntengkai pakkaeloran-Na to dipake mparapa'ki'. Napugaukki susi joo, nasaba' kamatean-Na Almaseh jao kaju sitamben.

Kolose 2:14 Referans Kwoze

Ibrani 8:13

Napaui Puang Allataala kumua la dipadenni to basse baru. Iamo mpamanassai kumua matuami na tangdipuinawamo to basse jolo. Na ia to apa ke memmatuami te'damo nadipake, cingga'tu'mora nalanynya'.

Ibrani 7:18

Susimi joo natangdipuinawamo to atoran jolo, to tanglakomo na te'damo bua'na,

Kolose 2:20

Wa'ding dipau kumua mangkamo kamu' mate sola Almaseh, battuananna dila'paranmo kamu' jio mai kuasanna sininna tomakuasa ba'tu tomangparenta jao langi' to ngkuasai lino. Ia ke susii joo, ciapari mituru' unapi joo atoran susi to napugauk totangnturu' Puang?

1 Petrus 2:24

Almasehra Ia mperasai kamaparrisan jao kaju sitamben nasaba' dosata', antala'pah jio mai kuasa dosa, antaturu' too pakkaeloran-Na Puang Allataala. Napamalagahki' nasaba' kamaparrisan-Na Almaseh jao kaju sitamben.

Jamanna Rasulu' 3:19

Ee todipusile'to! Iamo joo la mpenassanni kamu' dosami mimengkatoba', mimenturu' lako Puang Allataala anna dita'dei to dosami,

2 Tesalonika 2:7

Sitonganna ia to kuasa kagajatan to ngkuasaii joo Togaja' mangjama buni bang lan lino tee too. Ia ke dialaimi to hhalangngii joo Togaja',

Ester 3:12

Na ia tonna tanggala' sangpulo tallu bulan mesa', natambai Haman to juru pangnguki'na raja. Nasuai Haman to tau nnuki' sura' susi to napangparentan, na ia joo sura' dipalembah tama sininna basa na diuki' pole' o tama sininna pangnguki' to dipake lan sininna karajaan. Ia joo sura' diuki' mpusanga sanganna Raja Ahasweros, nadica' mpake cincinna raja, nata'pa male to todisua mbawai lako sininna tomajao pangka'na, lako gubernur, sola lako tontoe ada' lan sininna propinsi. Ia to dipau lan joo sura' iamo to parenta kumua, ianna tanggala' sangpulo tallu bulan Adar, sininna to-Yahudi la tomatua, la tomalolle', la baine, la pea, nang la dicappu'i dipatei, na ia to ewananna la dirampa.

Lukas 1:6

Ia to sipa'na sola dua napumasannang Puang Allataala, na naturu'i ngasan to parenta-Na na atoran-Na Puang Allataala.

Ester 8:8

Uki' pole' kamu' sura' mpusanga sangangku' mpaui to misanga napumelo to-Yahudi, mimane' nca'i ca' karajaan. Ia to sura' mangka diuki' nadica' mpusanga sangangku', te'damo nawa'ding dita'dei.”