Kolose 1:5 - Alkitab Duri

⁵ Matappa' kamu' misipakamoja', nasaba' mirannuan to Puang Allataala kumua la naben kamu' to apa napasadianmo kamu' jao suruga, situru' Kareba Kasalamatan to mangka misa'ding jolona. Tongan joo Kareba Kasalamatan,

Kolose 1:5 Referans Kwoze

Efesus 1:13

Susi todamo kamu' tommisa'dingmo kareba tongan jio mai Puang Allataala, iamo to Kareba Kasalamatan, menjajimo kamu' umma'-Na ammidipasalama'. Ia tommimatappa'mo lako Almaseh, dibenmo kamu' Roh Allataala to nabasse tonna anu', menjaji butti kumua umma'-Namo kamu'.

2 Timotius 4:8

Na ia tee too dipasadianmo' paraseng kapataloan. Ia to Puang Isa, tomangra'tah tangbimbang, la mbenna' joo paraseng kapataloan ke Kiama'mi lino, nasaba' napupenjaji tomelona' Puang Allataala. Na tangngia aku' manda to la llolonganni, apa sininna to tomamali' ntajan karatuan-Na Puangta'.

Titus 1:2

namangrannuan kumua la nnampa'i katuoan melo te'da cappa'na, to nabassemo Puang Allataala to tangmangnguraga tonna te'dapa nadipaden tee lino.

Kolose 1:27

Madoangngi Puang Allataala mpangpekitanni lako sininna umma'-Na to melona sola mala'bihna joo akkatta-Na lako kamu' bangsa tangngia to-Yahudi kumua, natorro too Almaseh lan kalemi, na iamo buttinna kumua la turu' toda kamu' mperasai kamala'biran-Na Puang Allataala jao suruga.

1 Petrus 2:2

Apa la susira kamu' topea'-pea' mane' jaji to tuli mawakke bang madoang nniso' dadik massang, iamo to kadan-Na Puang Allataala. Na ia ke mipesa' tonganni to kadan-Na Puang Allataala, la masaranianmo kamu' ammisalama'.

Kolose 1:23

Apa la tatta' kamu' matappa', danggi' nasitawa-tawa to penawammi. La mirannuan tarruhhi to Puang Allataala kumua la napugaukki to apa nabassean kamu' lan Kareba Kasalamatan to mangka misa'ding. Ia joo Kareba dipangpeissenanmo lako issinna lino. Na ia tee aku' Paulus menjajimo' tompangpeissenanni.

1 Korintus 15:19

Iamo joo ia ke mangrannuanki' lako Almaseh la mpasalama'ki' lan mandara ntee lino, tangngia jio lino undi, kita'mo kita' to kaminang macilakanna sininna tolino.

Ibrani 7:19

sanga ia to atoranna Nabi Musa te'da nakullei mpupenjaji melo tau, moi mesa'. Na ia to tarannuan tee too la'bih melo na ia to dirannuan jolona, antabarani mangngolo lako Puang Allataala.

1 Tesalonika 2:13

Denpa mesa' napusaba', angkituli mangkurru sumanga' lako Puang Allataala. Iamo to kumua, ia tongkipangpeissenanni lako kamu' to kareba jio mai Puang Allataala, mipesa'dingngii mitarimai joo kareba, tangngia kumua pole jio mai tolino, apa mikatappa'i kumua pole jio mai Puang Allataala. Tongan kumua kadan-Na Puang Allataala joo kareba, to da'tan mangjama lan penawammi to tomatappa' lako Puang Isa.

1 Yahya 3:3

Ia ngasan to tontajan karatuan-Na pole' Almaseh njagai kalena nada'tan tangmadosa susi Puang Isa tangmadosa.

Galatia 5:5

Apa ia tee kami', kirannuan napupenjaji tomelokan Puang Allataala, sanga matappa'kan lako Puang Isa Almaseh. Parannukan susi joo, nasaba' napamanassankan Roh Allataala.

2 Korintus 5:19

Kipangpeissenan kumua Puang Allataala mpasikalino pole' tolino na kalena, nasaba' Almaseh. Te'damo napallan penawai to kasalan tapugauk lako Ia. Na ia joo kareba kasikalinoan nasuakan Puang mpangpeissenanni lako tolaen.

Jamanna Rasulu' 23:6

Naissen Paulus kumua ia tuu lako Pangbicara Agama sesena to-Saduki na sesena to-Farisi. Iamo joo naandongngi mangkada nakua, “Ee, todipusile'to! Ia tee aku' to-Farisina', bati' to-Farisina'. Ia kudiparessa ntee, nasaba' kukatappa'i kumua la tuo pole' to tomate.”

1 Petrus 3:15

Apa la miingaran, kumua Almaseh mandara to Puang mikasiri' misompai, mituli sadia too mpebalii to tau ke nakutanai kamu' kumua, “Inda tonganra mirannuan?”

1 Korintus 13:13

Jaji, den tallung rupa to la tapugauk tee too, iamo to matappa'ki', mangrannuanki', antapakamoja' padanta' rupa tau. Na ia to kaminang parallu jio mai joo tallu, iamo to mangpakamoja'.

Jamanna Rasulu' 24:15

Sitonganna susi bang unana' tuu mati', pada kirannuan lako Puang Allataala kumua sininna tomate la napatuo pole' jio mai kamatean, la tomelo, na la togaja'.

1 Timotius 1:15

Tongan na sipato' ditarima tee kada to kumua, “Mentolino to Puang Isa Almaseh la mpasalama' tomadosa”, na aku'mo to kaminang madosanna.

2 Tesalonika 2:16

Napakamoja'ki' Puangta' Puang Isa Almaseh sola Ambe'ta' Puang Allataala. Napamasumanga' tarruh to penawanta', naben tooki' kasabbarasan ntajanni to melona, nasaba' kameloan penawan-Na.

Kolose 3:16

La mipallan penawa tarruhhi to pangngajaran-Na Almaseh ammituru'i. La da'tan bang kamu' siajaran misipakainga' too mpake sininna kapaissenanmi. La macanning atimmi mangkurru sumanga' lako Puang Allataala mimakkelong Zabur, kelong pangpujian ba'tu kelong laen.

Roma 10:8

Nauki' omi Nabi Musa kumua, “Ia joo kadan-Na Puang Allataala mandoppi'ra jio mai kalemu, jioi timummu sola lanni penawammu.” Iamo to kareba kipangpeissenan kumua sininna tau parallu la matappa' lako Puang.

Jamanna Rasulu' 10:36

Ia tee kareba napangpeissenan Puang Allataala lako kami' to-Yahudi kumua ia to tolino wa'ding sikalino pole' sola Puang Allataala ke matappa'i lako Puang Isa Almaseh, nasaba' iamo Puangna sininna tau.

Lukas 12:33

Balukki to ewananmi mibenni tokaasi-asi. La nnangah kamu' doi' to te'da namemmatua, iamo to kasugiran dianna jao suruga. Ia joo kasugiran te'da nata'de, nasaba' te'da nakullei la naboko tau, na te'da nakullei nakande ane.

Jamanna Rasulu' 13:26

Ee todipusile'to, la kamu' to bati'na Nabi Ibrahim, la kamu' to ssompa todamo Puang Allataala! Mangkamo kamu' naparatuan Puang Allataala to Kareba Kasalamatan.

2 Korintus 6:7

mpangpeissenankan pangngajaran tongan jio mai Puang Allataala, napajan kuasan-Na lan jamanki'. Na ia tee sininna panggaukan meloki' kipake mpangngewai kaleki'.

Galatia 2:5

Apa moi ci'di' te'da kilamenturu' lako kalena, dikua na ia to Kareba Kasalamatan to mangka mitarima te'da nadipasirau pangngajaran tangtongan.

Galatia 2:14

Ia tongkukitami kumua ia to napugaukkuna te'damo nasusi to natuntunna Kareba Kasalamatan, kukuamo lako Petrus jio olona tobuda, “Ia ke mesa'ko to-Yahudi, apa te'damo muturu' atoranna to-Yahudi, umbora la mukua mparuku bangsa tangngia to-Yahudi la nturu' atoranna to-Yahudi?”

Efesus 4:21

Katongananni Ia. Misa'dingmo to pangngajaran-Na. Na mangkamo kamu' diajahhi to sipa'-Na.

2 Petrus 1:12

Iamo joo kupakainga' tarruh kamu' to sininna joo, moiraka miissen, mikatappa'i toomi to pangngajaran tongan to mangkamo mitarima.