Kolose 1:4 - Alkitab Duri

⁴ nasaba' kisa'dingmo kumua mikatappa'i tonganmi to Puang Isa Almaseh, mipakamoja' tooi to sininna umma'-Na Puang Allataala.

Kolose 1:4 Referans Kwoze

Efesus 1:15

Iamo joo anna ia tongkusa'dingngi kumua matappa'mo kamu' lako Puang Isa, na sipakamoja' kamu' sininna umma'-Na Puang Allataala,

2 Tesalonika 1:3

Ee, tomala'bihku'! Tuli mangkurru sumanga'kan lako Puang Allataala nasaba' kamu'. Ia tee sipato' ke kipugaukki nasaba' samatappa'-tappa'mimo lako Puang Isa Almaseh mipede' sipakamoja' too.

1 Tesalonika 1:3

Mangkurru sumanga'kan sanga kiingaran tarruhhi jio olo-Na Ambe'ta' Puang Allataala to panggaukan melo mipugauk nasaba' kamatapparanmi. Kiingaran too to pangtulungmi lako padammi rupa tau nasaba' pangpakamoja'mi. Kiingaran kumua da'tan kamu' mawatang nnoloi mangrupa-rupa pecoba nasaba' mangrannuan kamu' lako Puangta' Puang Isa Almaseh.

Ibrani 6:10

Te'da natangmaruruh to Puang Allataala. Te'da natangnningaranni to apa mipugauk, iamo to pangpakamoja'mi to mipangpekitan lako kale-Na tommitulung padammi tomatappa', la jolona, la ia too allo.

1 Yahya 4:16

Taissen sola takatappa'i kumua napakamoja'ki' Puang Allataala. Mangpakamoja' to Puang Allataala. Ia to toda'tan mangpakamoja', da'tan too mesa' penawa sola Puang Allataala, na Puang Allataala da'tan mesa' penawa sola ia.

Filemon 1:5

nasaba' kusa'ding kumua matappa'ko lako Puang Isa, na mupakamoja' tongan to umma'-Na Puang Allataala.

1 Yahya 3:14

Ia ke mpakamoja'ki' padanta' tomatappa', taissen kumua te'damo nakuasaiki' kuasa kamatean, apa ntarimamiki' katuoan melo te'da cappa'na. Na ia to tote'da napakamoja' tolaen, tonakuasaipa ia kuasa kamatean.

Galatia 5:6

Ia ke sirapumiki' Puang Isa Almaseh, te'damo silaenanna todisunna' ba'tu totangdisunna'. Apa ia to parallu, iara to kamatapparan lako Puang Isa Almaseh, to napamanassa kasipakamojatanta' padanta' rupa tau.

1 Yahya 3:23

Iamo tee to parenta-Na kumua, la matappa'ki' lako Anak, Puang Isa Almaseh, sola la sipakamoja'ki', susi to mangkamo nasuanki' Almaseh.

1 Tesalonika 3:6

Apa ia tee polenna mai Timotius mpauankan kareba to kipusannang, kumua da'tan una kamu' matappa' misipakamoja' too. Napauan toomokan kumua tuli miingaran melo unakan. Na mikamali' unapa la ssikitankan, susi kami' mamali' la ssikitan kamu'.

Kolose 1:9

Iamo joo tongkisa'dingngi to apa jaji lako kalemi, kipassambajangan tarruh kamu' lako Puang Allataala, kumua ammisannissen-nissennai to pakkaeloran-Na ammiampa' tooi to sininna kapaissenan to pole jio mai Roh Allataala.

2 Korintus 7:7

Te'da na ia manda to karatuanna Titus mpakatanakan, apa ia toomo to nacuritankan to kumua mipakatanai. Napauankan Titus kumua gaja mali' kamu' la ssitammuanna', mipenassannimo to panggaukan jolomi, na sadia toomo kamu' mpangkadananna' tee too. Iamo joo la'bih mpamario pole'na'.

Galatia 3:26

Napuanak ngasanmo kamu' Puang Allataala, sanga matappa'mo kamu' lako Puang Isa Almaseh.

Galatia 3:28

Te'damo nadipasilaenan to-Yahudi na bangsa tangngia to-Yahudi, kaunan na tangkaunan, muane na baine, nasaba' sirapumo kamu' Puang Isa Almaseh tommidijio'.

Efesus 6:18

Ia ke nnewa kamu' Ballisi', la massambajang tarruh bang kamu' mpeta'da pangtulung-Na Puang Allataala. La massambajang kamu' situru' pangpatujun-Na Roh Allataala. Danggi' mipajaii massambajang. Passambajanganni to sininna umma'-Na Puang Allataala.