Kolose 1:29 - Alkitab Duri

²⁹ Iara joo kupengkulle-kullei mpugaukki, mpake sininna kuasa to nabenna' Almaseh to mangjama lan kaleku'.

Kolose 1:29 Referans Kwoze

1 Korintus 15:10

Apa barakka'-Nara Puang Allataala, angkumenjaji susi tee too. Na te'da natorro sala joo barakka'-Na lako aku', sanga la'bih bo'jo'pa' aku' mangjama na ia tuu mati' rasulu' laen. Apa sitonganna tangngia aku' to mangjama, apa barakka'-Na Puang Allataala to mpamawatangna' mangjama.

Efesus 1:19

Ammiissen tooi kumua tangdikulle mpikkiri'i to kuasan-Na Puang Allataala ntulungki' to tomatappa' lako kale-Na. Liwa' mejangngaran joo kuasan-Na.

Efesus 3:7

Napabarakkannina' Puang Allataala tee jaman mpangpeissenan Kareba Kasalamatan anna kuasan-Na Puang Allataala mbenna' kapakullean mpugaukki.

Filipi 2:13

Puang Allataala mpupembalik penawammi ammimadoang, mikulle tooi mpugaukki to pakkaeloran-Na.

Ibrani 13:21

dennaa upa' na Puang Allataalamora mpasadian kamu' sininna to melona, la mpugauk pakkaeloran-Na. Dennaa upa' anna Puang Allataala toomora mpupenjajiki' to napumasannang, sanga Puang Isa Almaseh. La mpakala'bih tarruhki' Almaseh te'da cappa'na. Amin.

Kolose 2:1

Madoangna' ke miissenni kumua kupangjaman tongan kamu' la mpugaukki to mipumelona, sola tomatappa' jio kota Laodikia na kota laen, moiraka na te'dapa tasitammu.

2 Tesalonika 3:8

Te'da kikande punala bangngi to kandena tau. Kipengkaukui mangjama allo-bongi, kikua danggi' naden kamu' kisussai.

1 Tesalonika 2:9

Miingaran unapa, umbo kikua mangngangah. Mangjama allo-bongi tongankan, dikua anna danggi' kisussai kamu' tongkipangpeissenan Kareba Kasalamatan jio mai Puang Allataala lako kamu'.

Kolose 4:12

Sallangna Epafras mati', mesa' to-Kolose, pangjama-Na Puang Isa Almaseh. Te'da napajaii mpellao doangan kamu' sola ngasan, dikua ammisamawatang-watangnamo susi mesa' tomasaranian, ammituli nturu'i to pakkaeloran-Na Puang Allataala.

Filipi 2:16

ke mipangpeissenanni to Kareba Kasalamatan. Na ia ke susii joo, wa'dingna' mpumasannangngi ke ratu pole'mi Almaseh, sanga te'da nalao sala to jamanku'.

1 Korintus 12:11

Mesa'ra ia joo Roh Allataala to mpangben ngasanni joo. Pada naben barakka'-Na to tau, situru' pakkaeloran-Na.

Roma 15:20

Na mangngattamo' mpangpeissenanni tee Kareba Kasalamatan lako tote'dapa nasa'dingngi to karebanna Almaseh. Te'da kumadoang mpake'deh bola jao pangrantena tolaen.

Pengkitanna Yahya 2:3

Ia tommidipakario-rio nasaba' Aku', sabbara' kamu' na te'da mika'tu rannu.

2 Timotius 2:10

Namawatang bangna' ntarima ngasanni, nasaba' kaparalluanna to tau mangkamo napilei Puang Allataala, dikua nalolongan kasalamatan jio mai Puang Isa Almaseh, sola kamala'biran te'da cappa'na.

Filipi 1:30

Jaji, ianna susi joo turu' todamo kamu' mpamanassai kumua tongan joo Kareba Kasalamatan, susi to mikita mangka kupugauk na misa'ding unapa tee too.

Filipi 1:27

Samari ia to kumua la mituru' tarruh bang to pangngajaran-Na Almaseh. Na moi malena' mati' ba'tu tangmalena' mati', da'tan bang kusa'ding to karebammi kumua mesa' penawa kamu', mipada-pada mpengkulleii anna buda tau matappa' lako Kareba Kasalamatan,

Efesus 3:20

Ia to Puang Allataala, to ntulung tarruhki', nakulle la mpugaukki la'bih budapa na ia to tapeta'da doangan ba'tu ia to tapikkiri', sanga liwa' Ia makuasa.

2 Korintus 13:3

Mane'ri la miampa' ngasan buttinna to mikadoangngi kumua manassa tonasuana' Almaseh mparatuan kamu' pepasan-Na. Te'da natangkullei to Almaseh mpaissenni kamu' kasalanmi na sessa kamu'.

2 Korintus 11:23

Tompangjamanraka Almaseh tuu mati' tau? Mangkada susina' tobango' tee, “Aku'mo tompangjaman Almaseh la'bih melo.” La'bih tangmekabo'jo'na' aku' mangjama, la'bih pembudamo' aku' ditarungku, la'bih pembuda toona' dirambi, na tuli ci'di'mora kumate.

2 Korintus 6:5

dirambikan, ditarungkukan ba'tu disigasa'ikan. Na kipengkullei tongan mangjama, biasakan tangmamma', biasa tookan tangkumande.

2 Korintus 5:9

Tapengkulle-kullei mpemasannangngi Puang, la lanpiki' tee batang kaleta', la jaomiki' suruga sola.

1 Korintus 12:6

Mangrupa-rupa kapakullean pajan lan tangnga-tangngami, apa mesa' toori to Puang Allataala mbenki' joo kapakullean.

Roma 15:30

Ee, tokupusile'to! Meta'dana' mitongan-tongannii massambajang lako Puang Allataala mpassambajanganna', susi to kupassambajangan. Meta'dana' susi tee, nasaba' memmesa' penawamiki' sola Puangta' Puang Isa Almaseh na sipakamoja' toomiki', nasaba' Roh Allataala.

Lukas 13:24

“Ia to tau dipasalama' wa'ding dipasirapang tomentama ba'ba si'pi'. Iamo joo pengkulle-kullei mentama nnola ba'ba si'pi', nasaba' buda tau mpengkullei mentama apa te'da nakullei.

Ibrani 12:4

Te'dapa kamu' mate nnewa dosa.

Kolose 2:12

Nasaba' ia tommidijio', susi kamu' tomate, midilamun sola Almaseh ammidipatuo pole' too sola Almaseh, nasaba' matappa' kamu' lako kuasan-Na Puang Allataala to mangka mpatuo pole' Almaseh jio mai kamatean.