Kolose 1:24 - Alkitab Duri

²⁴ Ia to tomatappa' lako Almaseh wa'ding dipasangrapang batang kale-Na. Jaji, maparri' to batang kaleku' tee too susi Almaseh maparri' tonna anu', nasaba' jamanku' mbalii to tomatappa'. Iamo joo kumasannang, ke maparri'na' sanga kubalii kamu'. Na ia tee kamaparrisanku' la ngganna'i sininna kamaparrisan to la naperasai tomatappa' lako Almaseh.

Kolose 1:24 Referans Kwoze

Roma 5:3

Te'da na ia manda joo, apa mario tooki', moi nakannaki' kamaparrisan, nasaba' taissen kumua kamaparrisan mpamawatangki',

2 Timotius 1:8

Iamo joo la baranimoko mpangpeissenanni to Puangta' Puang Isa lako tau laen, na danggi' too mukasirisanna', to ditarungku nasaba' nturu'na' Puang Isa. Apa sibalikanna, la maparri'ko susi aku', nasaba' mpangpeissenanko Kareba Kasalamatan, situru' kapakullean to nabenko Puang Allataala.

Filipi 3:10

Ia to gaja kukadoangngi iamo to nnissen Almaseh, sola mperasaii to kuasa mpatuo pole'i jio mai kamatean. Madoang toona' mperasai parri' sola kamatean susi to naperasai Almaseh,

2 Korintus 7:4

Liwa'na' ngkatappa'i kamu', mipamariona'. Moi kipembuda mperasai kamasussan, liwa'na' matana nasaba' kamu', na mario tonganna'.

Efesus 3:13

Iamo joo kumeta'da lako kalemi kumua, danggi' napumoro'i penawammi ke maparri'na' lan pangtarungkuan nasaba' kamu'. La mipumelona joo sola ngasan.

Yakub 1:2

Ee, tomala'bihku'! Ianna kanna kamu' mangrupa-rupa pecoba, la misangai kumua tomasannang kamu'.

Kolose 1:18

Almaseh toomo kapalana sininna tomatappa' to dipasangrapang batang kale-Na. Iamo Anak Tungga' to bungah dipatuo pole' jio mai kamatean, dikua namenjaji kaminang matande jio mai to apa den.

Jamanna Rasulu' 5:41

Masannang to rasulu' messun lan mai joo kasirempunan Pangbicara Agama, sanga narekenmo Puang Allataala sipato' dipakario-rio, nasaba' kamatapparanna lako Puang Isa.

Efesus 3:1

Ia tee aku' Paulus ditarungkuna', nasaba' mpangpeissenanna' Puang Isa Almaseh lako kamu' bangsa tangngia to-Yahudi.

Efesus 1:23

na ia to tomatappa' susi batang kale-Na. Ia to tomatappa' mpasukku' Almaseh na ia to Almaseh mpasukku'i to sininna apa.

Roma 8:17

Ia ke anak Allataalamiki', wa'dingmiki' la ntarima barakka'-Na Puang Allataala sola Almaseh. Na ia ke mperasaiki' parri' tee too susi Almaseh tonna tee, la dipakala'bih todaki' sola Almaseh.

1 Korintus 12:27

Ee, tomala'bihku' sola ngasan! Batang kale-Nai Almaseh to tomatappa', na ia to tomatappa' pada lesoan-Nai joo batang kale-Na Almaseh.

2 Korintus 6:10

Tuli mariokan, moi kiperasai kamasussan. Mpasugihmokan barakka' kasalamatan lako tobuda, moi susikan tokaasi-asi dikita. Sitonganna kiampui ngasan to sininna apa, moi susikan tote'da lalo apa kiampui.

2 Korintus 12:15

Iamo joo namacanning atingku' mpangbenni to sininna apa kuampui, moi batang kaleku' kupangben too nasaba' kamu'. Na ia ke susimo' joo mpakamoja' kamu', te'da nasipato' ke te'damo mipakamoja'na'!

Markus 10:39

Mebalimi nakua, “Ie', kisara Puang.” Nakuanmi Puang Isa, “Nang la mipumaparri' ia to kamaparrisan-Ku' sola kamatean-Ku'.