Kolose 1:23 - Alkitab Duri

²³ Apa la tatta' kamu' matappa', danggi' nasitawa-tawa to penawammi. La mirannuan tarruhhi to Puang Allataala kumua la napugaukki to apa nabassean kamu' lan Kareba Kasalamatan to mangka misa'ding. Ia joo Kareba dipangpeissenanmo lako issinna lino. Na ia tee aku' Paulus menjajimo' tompangpeissenanni.

Kolose 1:23 Referans Kwoze

Ibrani 3:14

Sanga kita' ngasanmo nnampa' barakka' jio mai Almaseh, ke matappa' tarruhki' susi tontamane' matappa' ratu lako ssalainta' lino.

Ibrani 3:6

Apa Anak to Almaseh to dipabarakkanni jaman ntulung sininna taun-Na Puang Allataala. Na kita'mo tee to taun-Na, ke da'tanki' matappa' sola da'tanki' mangrannuan lako manda Puang Isa.

Ibrani 10:38

Ia to tau kupupenjaji tomelo sanga matappa'i la nnampa' katuoan melo te'da cappa'na. Apa ianna den to cia' omo matappa', te'da kupumasannangngi.”

Galatia 6:9

Danggi' tamarosso mpugauk kameloan, nasaba' ia ke te'da tamarosso, nang la den pissen talolonganni to assele'na.

Jamanna Rasulu' 14:22

Napamawatang ngasan penawanna to tomatappa' lan simesa'-mesa' kota, dikua anna tatta' to kamatapparanna. Nakuanni, “La buda kamaparrisan diolai, tamane' mentama Lino Barun-Na Puang Allataala.”

Efesus 3:17

Ia ke susimi joo, mari'pihmi Almaseh lan penawammi, nasaba' matappa' kamu' lako kale-Na. Massambajang toona' kumua moi apa mipugauk, mipugaukki nasaba' pangpakamoja'.

Roma 10:18

Apa mekutanana': Te'daparaka ia nasa'dingngi to-Israel joo kareba? Tantu nasa'dingmo, nasaba' den diuki' lan Sura' Allataala kumua, “Nasa'dingmo sininna tolino to gamaranna. Ia to karebanna ratumi lako randan langi'.”

Ibrani 6:19

Ia joo rannunta' susi jangkar titanan mandalan antasamatappa'-tappa'na. Ia joo rannunta' ntarruh kaen pesapa' Ngenan Kaminang Macero jio Bola Puang Allataala jao suruga antamangngolo lako Puang Allataala.

1 Tesalonika 3:5

Iamo kusuai to Timotius male mati' sanga gaja doangmo' nnissenni kumua matappa' tarruh unara kamu'ka lako Almaseh. Batana', iamo ke nataloimo kamu' Ballisi' na sininna to jamanki' menjaji te'da bua'na.

Efesus 1:18

Kupassambajangan too kamu', napapahangngi kamu' Puang Allataala, ammiwa'ding nnissenni to apa mirannuan jio mai Puang Allataala to mangka mpilei kamu' menjaji umma'-Na. Ammiissenni kumua liwa' melo to apa nabasse Puang Allataala lako umma'-Na.

2 Korintus 3:6

Ia mbenkan kapakullean angkiwa'ding menjaji pangjama-Na mpangpeissenan basse baru, to nabenmiki' Roh Allataala apa te'da diuki' lan atoran agama. Nasaba' ia ke mpengkulle-kulleiki' mpugauk atoran agama dikua antadipupenjaji tomelo, la mateki'. Apa ia ke matappa'ki' lako Puang Allataala, la nabenki' Roh Allataala katuoan melo te'da cappa'na.

Jamanna Rasulu' 2:5

Ia joo wattu budamo to-Yahudi ratu jio mai mangrupa-rupa tondok lan lili'na lino la ssompa Puang Allataala jao kota Yerusalem.

Pengkitanna Yahya 2:10

Apa danggi' mimalaja' to kamaparrisan to la mioloi. Matappa' kamu', sanga sitonganna den ba'tu pira-pira tau lan tangnga-tangngami la napembuangan Ballisi' tama pangtarungkuan, napengkulle-kullei mpalao sala kamu' nate'damo mimatappa'. La mperasai kamu' pa'dik sangpulo allona. Apa la matappa' kamu' lako Aku' ratu lako matemi na la kuben kamu' pahala, iamo to katuoan melo te'da cappa'na.

Kolose 1:25

Menjajina' tompangjaman tomatappa' tonna pabarakkannina' Puang Allataala jaman mpangpeissenanni lako kamu' bangsa tangngia to-Yahudi to kadan-Na Puang Allataala,

Yahya 15:6

Ia to tote'da namemmesa' sola Aku', la dica'bean lako salean, namerrangko susi rangko anggoro' to disembangngi. Ia joo rangko dirempun nadisumpun.

Lukas 22:32

Apa mangkamo' mpassambajanganko ammuda'tan matappa'. Na ia mumengkatoba'mo, la mupamawatang kamatapparanna to padammu tomatappa'.”

1 Petrus 1:3

Tamangkurru sumanga' lako Puang Allataala, Ambe'-Na Puangta' Puang Isa Almaseh! Liwa' Ia ngkamaseiki', anna patuo pole'i to Puang Isa Almaseh antawa'ding nnampa' katuoan baru. Iamo joo tangbataki' rrannuan Puang.

Ibrani 4:14

Denmo Imang Lompo tomala'bihta' to malemo de' suruga mangngolo lako Puang Allataala, iamo to Puang Isa, Anak Allataala. Iamo joo la matappa' tarruhki' na danggi' tapessakkannii kumua tangngia Puangta' to Puang Isa.

Kolose 2:7

La tatta' kamu' memmesa' sola Almaseh, mirannuanni. La samatappa'-tappa'na toomo kamu' lako Almaseh, susi to mangka diajaran kamu'. La tuli mangkurru sumanga' too kamu' lako Almaseh.

Galatia 5:7

Melomo to kamenturusanmi lako Puang Allataala tonna tee. Indamora mangka ssede kamu', na te'damo mituru'i to pangngajaran tongan?

2 Korintus 6:1

Ia tee kami', mpangjamankan Puang Allataala. Iamo joo kimeta'da tongan-tongan lako kalemi, nadanggi' mitangmpuinawai to barakka' kasalamatan mangka mitarima anna membua melo.

Markus 16:15

Anna kuanni nakua, “Malemo kamu' lako a'pa' sulapa'na lino, mpangpeissenanni to Kareba Kasalamatan jio mai Puang Allataala lako sininna rupa tau.

1 Yahya 2:27

Apa ia to kamu', naparatuanmo kamu' Almaseh to Roh Allataala to torro lan penawammi. Te'da miparallu naajahhi tolaen, nasaba' Ia bang unamo nnajahhi kamu' to sininna apa. Na tongan ngasan to naajaran kamu', tangngia pangnguraga. Iamo joo, la da'tan kamu' mesa' penawa sola Almaseh, susi to naajaran kamu' Roh Allataala.

1 Petrus 1:5

La naben ngasan kamu' joo, nasaba' matappa' kamu' lako Puang Allataala. Jaji, naampai kamu' kuasan-Na Puang Allataala, ammitarima kasalamatan to sadiamo la naben kamu' ke Kiama'mi lino.

Titus 3:7

dikua antaampa' katuoan melo te'da cappa'na, susi to pangrannuanta', sanga mangkamiki' dipupenjaji tomelo nasaba' kameloan penawan-Na.

1 Timotius 2:7

Na iamo joo naangka'na' Puang Allataala menjaji rasulu' angkudisua male lako sininna bangsa tangngia to-Yahudi la mpangpangngajaranni to kamatapparan tongan. Na tongan tee kupau, te'da kumangnguraga.

1 Timotius 1:12

Mangkurru sumanga'na' lako Puangta' Puang Isa Almaseh, nasaba' naangga'mo' kumua sipato'mo' naangka' menjaji rasulu'-Na. Iamo nabenna' kapakullean la mpangjamanni,

2 Tesalonika 2:16

Napakamoja'ki' Puangta' Puang Isa Almaseh sola Ambe'ta' Puang Allataala. Napamasumanga' tarruh to penawanta', naben tooki' kasabbarasan ntajanni to melona, nasaba' kameloan penawan-Na.

1 Tesalonika 5:8

Apa ia to kita' tee, tonturu'ki' pakkaeloran-Na Puang Allataala. Iamo joo la nta'tanki' kaleta'. Paralluki' da'tan matappa' lako Puang Allataala, tapakamoja' padanta' rupa tau, anna den pellendunganta' susi surudadu mpake baju bassi. Takatappa'i tooi kumua la napasalama'ki' Puang Allataala, anna den pellendunganta' susi surudadu mpake topi bassi.

1 Tesalonika 3:3

Susimi joo, danggi' lalo miden mpessakkanni Almaseh moiraka mimaparri'. Miissen kumua ia tee kamaparrisan akkattanamo Puang Allataala lako kalemi.

Efesus 4:16

na ia tee kita' dipasangrapang mangrupa-rupa lesoan batang kale-Na Almaseh. Te'da natiseran joo kale, nasaba' Almaseh nnampaii. Saloboh-lobohna na samawatang-watangna to kale, ke sipakamoja'ki' na pada mpangjamanki' Puang situru' barakka' to mangka dibenki'.

Efesus 2:21

Almaseh mpasikalakki sininna pangkajuanna joo bola dipajenjen sanggenna mangka namenjaji mesa' bola ballo-Na Puang Allataala.

Galatia 5:5

Apa ia tee kami', kirannuan napupenjaji tomelokan Puang Allataala, sanga matappa'kan lako Puang Isa Almaseh. Parannukan susi joo, nasaba' napamanassankan Roh Allataala.

Galatia 4:11

Kukagiangan kamu', iamo ia ke te'dai bua'na to resoku' lako kalemi.

2 Korintus 11:23

Tompangjamanraka Almaseh tuu mati' tau? Mangkada susina' tobango' tee, “Aku'mo tompangjaman Almaseh la'bih melo.” La'bih tangmekabo'jo'na' aku' mangjama, la'bih pembudamo' aku' ditarungku, la'bih pembuda toona' dirambi, na tuli ci'di'mora kumate.

1 Korintus 15:58

Ee, tomala'bihku' to kupakamoja'! Iamo joo la mpemawatangngi kamu' kamatapparanmi, danggi' nasitawa-tawa to penawammi. La mpangjaman tarruh kamu' Puang Allataala, nasaba' miissen kumua, sininna to apa mijaman Puang Allataala, den ngasan bua'na.

1 Korintus 3:5

Sitonganna, ia joo Apolos na ia tee aku' Paulus pada tompangjamanrakan Puang Allataala, to mpatuju kamu' mimatappa' lako Almaseh. Pada kipugauk unamira kami' to nasuankan Puang.

Roma 15:16

Napupenjajimo' kaunan-Na Puang Isa Almaseh to disua male lako bangsa tangngia to-Yahudi. Na menjajimo' susi imang to mpangpeissenan Kareba Kasalamatan jio mai Puang Allataala. Dennaa upa' na Roh Allataala mpupenjajii to bangsa tangngia to-Yahudi susi karoba to napumasannang penawan-Na Puang Allataala.

Roma 5:5

Na ia joo kaparannuanta' te'da natangmpamasannangki', nasaba' ia to Roh Allataala nabenki' Puang Allataala, la mperasai pangpakamoja'-Na.

Roma 2:7

Ia to toda'tan bang mpugauk kameloan, nakua anna nnampa' kamala'biran, kadipujian na katangmasolangan, la naben Puang Allataala katuoan melo te'da cappa'na.

Jamanna Rasulu' 26:16

Ke'dehmoko! Iamo kupangpekitan kale-Ku' lako iko, nasaba' la kupupenjajiko tompangjamanna'. La mupangpeissenan lako tau apa to mukita tee too sola to apa la kupakitanpoko dau.

Jamanna Rasulu' 20:24

Apa moi nasusi joo, te'da kucirinnai penawangku', podo wa'dingna' mpatarruhhi to jaman nasuanna' Puang Isa la llundukkii samateku' mpangpeissenanni to Kareba Kasalamatan kumua nakamaseiki' Puang Allataala.

Jamanna Rasulu' 11:23

Na ia tonna ratumo lako, gaja sannangngi ngkitai, sanga nabarakka'i Puang Allataala to tau jio. Namangngajahhi nakua anna tatta' nturu' Puang.

Jamanna Rasulu' 4:12

Puang Isa mandara mpasalama' tau. Sanga sininna to narande tana nasambo langi' te'da tau laen to naben kuasa Puang Allataala la mangpasalama'.”

Jamanna Rasulu' 1:25

la ntoe pangjaman rasulu' ssulle Yudas to mboko'i Puang Isa anna male lako to sipato'na unamo nanii.”

Jamanna Rasulu' 1:17

Pada dipileiki' sola Yudas tonna tee la mangjama sola.”

Lukas 6:48

Ia joo tau dipasusi to tolangkabua' bola, napemandalanni ngkali padang, anna kabua' pondasi jao batu. Wattunna saba' to wai sa'dan ratu ntumpai joo bola, te'da natigesu' jio ngenanna, nasaba' dipake'dehhi jao pondasi batu.

2 Korintus 4:1

Kiissen kumua Puang Allataala mpabarakkannikan tee jaman, nasaba' melo penawan-Na lako kami'. Iamo joo na te'da kika'tu rannu.

Jamanna Rasulu' 1:8

Apa la diben kamu' kuasa ke diparatuimo kamu' Roh Allataala, ammilampangpeissenanna' la jio kota Yerusalem, la lan lili'na tana Yudea na Samaria, ratu lako randan langi'.”

2 Korintus 10:1

Den ba'tu pira-pira tau lan tangnga-tangngami ssangana' kumua, baranina' ke sikambelaki', porrokanna' ke sioloanki'. Apa ia tee aku' melo penawangku' na tangmakarrah toona' susi Almaseh meta'dana' lako kalemi kumua,

1 Timotius 3:16

Te'da mesa' tau tanglantongananni kumua liwa' ia mala'bihna to pangngajaran kasaranian, to tangkaissenanpa tonna anu', apa ia tee too napangpeissenanmo Puang Allataala. Susi tee joo pangngajaran kasaranian, “Mentolinomo Puang Isa Almaseh. Napabuttii Roh Allataala kumua Iamo napusannang Puang Allataala. Nakita sininna malaeka', napangpeissenanni tau lako sininna bangsa. Nakatappa'i tolino, naangka'i Puang Allataala tama suruga.”