Kolose 1:14 - Alkitab Duri

¹⁴ Iamora tee Anak lla'bakki' jio mai kuasa dosa, battuananna didampanganmiki'.

Kolose 1:14 Referans Kwoze

Efesus 1:7

Mangkamiki' nala'bak Puang Allataala jio mai kuasa dosa, battuananna didampanganmiki', nasaba' kita'ra namate to Almaseh.

Ibrani 9:22

Sitonganna ianna situru' atoran agama to-Yahudi, ci'di'mora to te'da nadipemaceroi mpake rara. Susi toomi joo, iapi naden kadidampangan ke dipato'doii rara.

Ibrani 9:12

Ia tonna mentama Tenda-Na Puang Allataala to Almaseh, tarruhhi tama Ngenan Kaminang Macero mangngolo lako Puang Allataala. Ia joo wattu te'da nambawa rara beke bulolo' ba'tu rara anak sapin la dipassompan, apa rara kale-Na to la napassompan. Pissen bangri joo, te'da naparallu didadu', sanga ia joo rara-Na napake lla'bak tarruhki' te'da cappa'na.

Pengkitanna Yahya 5:9

Makkelongngi mpukelong kelong baru: “Sipato'ki' nnalai tapiak tooi to segelna tuu sura' tilulun, sanga mangkamiki' digere' anna ia to rara kamatean-Ta' tapake nnallian tau Puang Allataala jio mai sininna rapu tau, tondok, basa na bangsa.

Galatia 3:13

Mangkamiki' nala'bak Almaseh jio mai tampak ropu to napaden atoran agama lako kita', nasaba' te'da takullei nturu'i. Iari ssulleki' nakanna tampak ropu, susi to diuki' lan Sura' Allataala kumua, “Tampak ropu to sininna tau to mate dipampang jao kaju.”

Matius 20:28

Susi tee Aku', Anak Mentolino, te'da kuratu tama lino la massua, apa ratura' la menjaji todisua-sua sola la mpangben sunga'-Ku' kumua nadila'bak to tolino jio mai dosana.”

Pengkitanna Yahya 1:5

Ia to Puang Isa sa'bi maruruh. Iamo bungah dipatuo jio mai kamatean. Ia toomo ngkuasai sininna raja lan lino. Napakamoja'ki' namate anna la'paranmiki' jio mai dosata'.

Efesus 5:2

La sikamasean kamu' susi Almaseh ngkamaseiki', iamo na mpangkaroban kalena la mpasalama'ki'. Ia joo kamatean-Na susi karoba bunangngu' to napumasannang Puang Allataala.

1 Yahya 2:2

Iamo karoba to mpasikalinoki' Puang Allataala anna wa'ding ndampanganki' to tomadosa. Na te'da na kita' manda, apa moi sininna tolino.

1 Petrus 3:18

Nasaba' pissenra mate to Almaseh la ndampangan tolino. Ia to Almaseh, to te'da namadosa, namate ssulle tomadosa, dikua misikalino pole' Puang Allataala. Batang kale-Na nabuno tau, apa napatuo pole'i Roh Allataala.

1 Yahya 2:12

Ee, kamu' to anak! Kuukiran kamu' tee, nasaba' didampanganmo kamu' sanga kamatean-Na Puang Isa Almaseh.

Titus 2:14

Mangkamo Ia mpangkaroban kalena la lla'bakki' jio mai sininna kagajatanta' napupenjajiki' umma'-Na to tangmadosa antatatta' too mpugauk kameloan.

1 Timotius 2:6

to mangka mpangben kalena dipampang la lla'bak ngasan tolino jio mai kuasa dosa. Susimi joo to wattu pura napattantu napabuttii Puang Allataala kumua madoangngi mpasalama' ngasan tau.

Kolose 2:13

Ia tonna jolona susimo kamu' tomate, te'da miampui katuoan baru jio mai Puang Allataala, nasaba' madosa kamu', na te'da midisunna' situru' atoran agama to-Yahudi. Apa ia tee too napatuomo kamu' Puang Allataala sola Almaseh. Nadampanganki' moi nabuda dosata'.

Efesus 4:32

Apa la sipemeloan penawa kamu', misikamasean, misidampangan too susi Puang Allataala ndampangan kamu' nasaba' Almaseh.

Jamanna Rasulu' 20:28

Njagai kamu' kalemi. Mijagai tooi jamaa to mangka napangben Roh Allataala la mijagai, nasaba' kamu'mo diangka' menjaji tonnatoro' jamaa-Na Puang Allataala. La mijagai melo to taun-Na susi tomangrewa rrewai bembala'na, nasaba' elohnamo Puang Allataala namate Puang Isa dikua nawa'ding lla'bak taun-Na.

Jamanna Rasulu' 10:43

Sininna nabi mpangpeissenanni kumua ia to tongkatappa'i Puang Isa la didampangan, nasaba' kuasan-Na Ia Puang Isa.”

Kolose 3:13

Sisabbarasan kamu' ke denni to sala lako kalemi, ammidampanganni. Susi Puang Allataala mangka ndampangan kamu', susi too to tau laen la midampangan.

Jamanna Rasulu' 2:38

Napebalii Petrus nakua, “Mengkatoba' kamu' jio mai dosami, ammipada mpangben kalemi dijio' mpau sangan-Na Puang Isa Almaseh anna dampangan kamu' Puang Allataala, naben too kamu' Roh Allataala.

1 Yahya 1:9

Apa ia ke taakuii to dosata' lako Puang Allataala to maruruh, la nadampanganki', na la napemaceroi tooki' jio mai sininna panggaukan tangmelota', susi to apa mangka napau.

Jamanna Rasulu' 26:18

mpami'cikki to matanna, ssolanni jio mai kamalillinan lako macerona, lla'paranni jio mai kuasanna Ballisi' lako kuasan-Na Puang Allataala, anna didampangan, namenjaji umma'-Na to napilei Puang Allataala, sanga matappa'i lako Aku'.’ ”

Pengkitanna Yahya 14:4

Melo tuu lako tau, sanga te'da lalo ia nasola baine. La undi bang lako Anak Bembala', moi umbo nanii male. Ia to tau, mane' iara to dipasalama' dipasusi bungah bua dipangben lako Puang Allataala na lako Anak Bembala'.

Lukas 5:20

Ia tonna issenmi Puang Isa matumba kamatapparanna tuu lako tau, mangkadami lako joo tokupi', nakua, “Ee todipusile'to, didampanganmoko.”

1 Korintus 1:30

Menjajimo kamu' umma'-Na Puang Isa Almaseh, nasaba' Puang Allataalara. Iamo ssua Puang Isa la mpasalama' kamu', napupenjaji kamu' tomacca, tomelo, napatorro leko' kamu' jio mai to totangnturu' Puang, nala'bak kamu' jio mai kuasa dosa.