Kada Bulawan 3:3 - Alkitab Duri

³ La mupusipa' to mamase mupusipa' tooi to dikatappa'i, mupallan penawa tonganni butung to mupurara' jio kollongmu.

Kada Bulawan 3:3 Referans Kwoze

2 Korintus 3:3

Ia tuu lako tau ngkitai to assele' jamanki' kumua kamu'mo susi sura' to nauki' Almaseh, na kami' napake ngkiringngi. Ia joo sura' tangngia dawa' dipake nnuki'i, apa Roh Allataala to tuo. Te'da too nadiuki' jiong batu susi atoranna Nabi Musa, apa diuki' lan penawanna tau.

Kada Bulawan 7:3

Ingaran rampa'i tee kuajaranko, mupallan meloi penawammu.

Ibrani 10:16

“Iamo tee basse la kupaden sola tuu lako tau, to wattu la dioloi lako. La kupallan penawanna to atoran-Ku', na kuuki'i lan pikkirisanna.” Susimi joo kadan-Na Puang.

Kada Bulawan 6:21

Tuli ingaranni kadanna tomatuammu butung mupurara' jio kollongmu.

Efesus 5:9

Panggaukan melo, maruruh na tongan pole jio ngasan mai Puang.

Kada Bulawan 16:6

Ia to tomamase na dikatappa'i, la diaddampangan. Mpamambelai kalena jio mai panggaukan gaja', nasaba' ngkalaja' ngkasiri'i Puang Allataala.

Kada Bulawan 20:28

Manyaman to raja ke mamasei na dikatappa'i too. Ia ke mamasei la da'tanni makuasa mangparenta.

Kada Bulawan 1:9

nasaba' ia to pangpangngajahna la sampemelo-meloinna sipa'mu, butung to dipasongko'iko bunga me'lok ba'tu rara' llan kollongmu mpamaloloko.

Matius 23:23

Macilaka kamu' to guru agama sola to-Farisi, nasaba' tomajekkong kamu'! Ia to assele' tanananmi to tangkeangga'na susinna tulasi, bua adas na jintang, mipangben sangtawa sangpulona lako Puang Allataala. Apa ia to parenta kaminang parallu lan atoranna Nabi Musa te'da mipugaukki susinna: kamarurusan, mamase, nturu' pakkaeloran-Na Puang Allataala. Na iara joo to kaminang parallu la mipugauk, apa la mipugauk too to laenna.

Kada Bulawan 14:22

Ia to tompangngattai mpugauk kameloan, la dikamasei na dikatappa'i, apa ia to tompangngattai kagajatan, sala lalan.