Kada Bulawan 2:5 - Alkitab Duri

⁵ Ia ke mupugauk ngasanni joo, la mupahang apa battuananna to ngkalaja' ngkasiri' Puang Allataala muwa'ding nnissenni inda to Allataala,

Kada Bulawan 2:5 Referans Kwoze

Kada Bulawan 1:7

Ia ke madoangki' nnampui kapaissenan, ia to kaminang parallu iamo to ngkalaja'- ngkasiri' Puang Allataala, apa ia to tobango' ncapa' kamaccan sola pangpangngajah.

1 Yahya 5:20

Taissenmo kumua mangkamo mentolino to Anak Allataala na mangka toomo mbenki' kapaissenan, antawa'ding nnissenni indara to Puang tongan. Mesa' penawamiki' sola Puang Allataala tongan, sanga mesa' penawamiki' sola Anak Allataala, Puang Isa Almaseh. Iamo Puang Allataala tongan, to mpangben katuoan melo te'da cappa'na.

Lukas 10:22

Nakuapa Puang Isa, “Sininna apa naben ngasanmo' Ambe'. Na te'da mesa' tau nnissenni to Anak, saliwanna Ambe'. Te'da too mesa' tau nnissenni to Ambe', saliwanna Aku' Anak, sola ia to tokupueloh kupaissenni.”

Matius 11:27

Nakuapa Puang Isa, “Sininna apa mangka ngasanmo' naben Ambe'. Na te'da mesa' tau nnissenni to Anak, saliwanna Ambe'. Te'da too mesa' tau nnissenni to Ambe', saliwanna Aku' Anak, sola ia to tokupueloh kupaissenni.

Kada Bulawan 9:10

Ia to garonto'na kamaccan iamo to ngkalaja'-ngkasiri' Puang Allataala, na ia to tonnissen tongan Puang Allataala Tomala'bih, battuananna iamo tomapahang.

Yahya 17:3

Iamo tee to katuoan melo te'da cappa'na, ke naissen tonganmiki' tau kumua Kita'mo Puang Allataala tongan, anna issen toona' kumua Aku'mo Puang Isa Almaseh to mangka tasua.

Kada Bulawan 8:17

Kupakamoja' to tompakamoja'na', na ia to tolantuk tongan penawanna nnangahna' nang la naampa'na'.

Kada Bulawan 28:7

Mapahang to kallolo mparinawa tongan atoran-Na Puang Allataala, apa ia to tosiama' tomaullak mpakasiri' ambe'na.