Kada Bulawan 1:8 - Alkitab Duri

⁸ Ee anakku', pesa'dingngii to pangpangngajahna tomatuammu, na danggi' mupaboko'i penawa to pangpatujunna indo ambe'mu,

Kada Bulawan 1:8 Referans Kwoze

Kada Bulawan 6:20

Ee anakku', parinawa meloi to apa napatujuanko ambe'mu, na danggi' mukalupaii to pangpakainga'na indomu.

Kada Bulawan 30:17

Ia to toncapa' ambe'na ba'tu cia' mpesa'dingngi indona, la natittoi kaok to matanna nakandei langkan to batang rabukkuna.

Kada Bulawan 2:1

Ee anakku', tarimai to pangpangngajahku', mutuli nningaranni to pangpatujungku'.

Kada Bulawan 31:1

Susi tee to naajaranni indona Lemuel, to napau pole' Lemuel, raja jio Masa,

Kada Bulawan 1:10

Ee anakku', ia ke nasedeko tomadosa, danggi' muturu'i.

2 Timotius 1:5

Mangkurru sumanga'na' ke kuingaranni to kamatapparanmu to mandalan tongan. Ia to pamulanna matappa' lako Puang Isa, iamo to nenemu Lois na indomu Eunike. Na kuissen kumua susi todako joo.

Kada Bulawan 7:1

Ee anakku', ingaranni tee pangpangngajahku', muparinawa meloi tee kusuanko.

Kada Bulawan 3:1

Ee anakku', danggi' mukalupaii to kuajaranko. Tuli ingaranni to parentaku'

Kada Bulawan 1:15

Ee anakku', danggi' muturu'i sipa'na to tosusi joo! Danggi' mupugaukki to napugauk.

Matius 9:22

Ta'pa messailemi to Puang Isa nakitai joo baine, namangkada nakua, “Ee, anak-Ku', pemawatangngii to penawammu! Malagahmoko, nasaba' mukatappa'ina'!” Ia joo wattu ta'pa malagahmi.

Matius 9:2

Denmi mesa' tokupi' nabulle tau lako Puang Isa, dipamamma' bang jiong ampah. Ia tonna issenmi Puang Isa matumba kamatapparanna tuu lako tau mangkadami lako joo tokupi', nakua, “Ee anak-Ku'! Pemalapuhhi penawammu. Didampanganmoko.”

Kada Bulawan 5:13

Ciapari na te'da kupesa'dingngii to kadanna gurungku', na te'da kuturu'i to tonnajahhina'?

Kada Bulawan 23:22

Pesa'dingngii to ambe'mu, nasaba' iara muden, angga'i to indomu moi namatuamo.

Rut 3:6

Jaji malemi Rut lako to' pangtambakan jelai. Jiomi ntuu jio nanii mpugauk ngasanni to apa napauanni indo matuanna.