Ibrani 9:27 - Alkitab Duri

²⁷ Mangka napattantu Puang Allataala, kumua pissenra mate to tolino, namane' Puang Allataala rra'tah kara-karana.

Ibrani 9:27 Referans Kwoze

2 Korintus 5:10

Nasaba' la dipangngolo ngasanki' lako Almaseh antapada diben assele' panggaukanta', la panggaukan melo, la panggaukan gaja'.

Jamanna Rasulu' 17:31

Nasaba' mangkamo napattantuan mesa' allo la dinii rra'tahhi to panggaukanna to tolino situru' kamarurusan-Na. Denmo mesa' tau napilei la mpugaukki joo. Mangkamo napatuo pole' joo tau jio mai kamatean, dikua anna manassa kumua Iamo napilei.”

Yudas 1:15

La ratui rra'tah kara-karana sininna tolino. La nacallai to togaja' nasaba' panggaukan gaja'na sola pangcapa'na lako Puang.”

2 Timotius 4:1

La ratu pole' to Puang Isa Almaseh mangparenta susi Raja. La rra'tah kara-karana totuo sola tomate. Iamo joo, nakita Puang Allataala na Puang Isa Almaseh, kumeta'da tongan lako iko

Roma 5:12

Ia to dosa mentama lino, nasaba' mesa' tau mpugaukki, iamo to Nabi Adam. Na ia to Nabi Adam mate, nasaba' madosai. Iamo joo nalamate to sininna tolino, nasaba' te'da tolino tangmadosa.

1 Korintus 4:5

Iamo joo danggi' mimadoi' bang mpasala tau kumua tokasalan, ba'tu ntongananni kumua tomelo, sanga te'dapa nadete'i wattunna. Tajanni karatuan-Na pole' Puang, sanga Ia la nnarrangngi to apa membuni. Ia too la mpapajanni to akkattana tolino to nabunianan lan penawanna. Ia joo wattu mane'ri napuji Puang Allataala to tau, to tosipato' dipuji.

Ibrani 6:2

ba'tu bungah pangngajaran laen susinna to pangjioran, kapanglullungan pala', katuoan pole' jio mai kamatean, ba'tu pangsessa te'da cappa'na.

Pengkitanna Yahya 20:11

Mangkai joo too ngkita omo' cadokkoan mala'bih mabusa na matonggo, na Puang Allataala cumadokko jao. Ia to langi' sola lino lanynya'i jio mai olo-Na nate'damo dikita.

Roma 2:5

Apa membattuk kamu' ammicia' mangpesa'ding. Iamo joo, kamu' bang una mpemabanda'i pangpabalah lako kalemi ke Kiama'mi lino. Ia joo allo napangpekitanni Puang Allataala to kamabirisan-Na na pangpabalah maruruh-Na lako to tolino.

Ibrani 10:27

Ewalin-Nai Puang Allataala to tosusi joo, na la malaja' ntajanni to wattu la nanii Puang Allataala rra'tah kara-karana tolino. La malaja' tuu lako tau, sanga ia to pangsessa-Na Puang Allataala padai to api manglaka-laka ngkandei.

1 Yahya 4:17

Ia ke mangkaki' mperasai pangpakamoja'-Na Puang Allataala, baranimiki' mangngolo lako Puang Allataala ke Kiama'mi lino. La nnampuiki' kabaranian, nasaba' ia to sipa'ta' lan lino susi sipa'-Na Almaseh.

Lukas 20:32

Mangkatampakanna mate todami joo baine.