Ibrani 9:19 - Alkitab Duri

¹⁹ Ia tonna mangkamo napangpeissenan ngasan Nabi Musa to atoran-Na Puang Allataala lako to-Yahudi, naalami to rara anak sapin na rara beke bulolo', napasiraui wai, namane' mpi'pikkii joo sura' atoran-Na Puang Allataala sola to-Yahudi, mpake reu hisop dikapu' bulu bembala' malea.

Ibrani 9:19 Referans Kwoze

Ibrani 9:12

Ia tonna mentama Tenda-Na Puang Allataala to Almaseh, tarruhhi tama Ngenan Kaminang Macero mangngolo lako Puang Allataala. Ia joo wattu te'da nambawa rara beke bulolo' ba'tu rara anak sapin la dipassompan, apa rara kale-Na to la napassompan. Pissen bangri joo, te'da naparallu didadu', sanga ia joo rara-Na napake lla'bak tarruhki' te'da cappa'na.

Ibrani 10:4

sanga te'da nakullei to rara sapin balian ba'tu rara beke bulolo' ndampanganni.

1 Petrus 1:2

Napileimo kamu' Ambe' Puang Allataala susi to pura napattantu jolona. Roh Allataalamo mpupenjaji kamu' tau mesan-Na, ammimengkaturu' lako Puang Isa Almaseh to ndampangan kamu' mpake rara-Na. Dennaa upa' naben kamu' Puang Allataala sabuda-budanna barakka' sola kamasannangan.

Yahya 19:5

Messunmi Puang Isa mpake mahkota duri sola baju malando makudara'. Nakua Gubernur Pilatus ngkuan tobuda, “Kitari tuu tau!”

Yahya 19:2

Ia to surudadu mpasongko'i mahkota, to ringe keduri dikabua'. Mangkai joo too, napapakeimi baju lando makudara',

Markus 15:20

Ia tonna mangkamo tuu lako surudadu ncapa'-capa'i, nasulleimi joo baju makudara', napapakeii to bajun-Na unamo ia. Namane' ssolanni to Puang Isa lako salean la dipampang.

Markus 15:17

Napapakeii baju lando makudara', napasongko'i mahkota, to ringe keduri dikabua'.

Matius 27:28

Naalaimi to bajun-Na napapakeii baju lando makudara'.

Ibrani 12:24

Ratumo kamu' mangngolo lako Puang Isa, tompasijajianni joo basse baru. Nnoloimo kamu' rara-Na Puang Isa to mangka dipi'pikan kamu' ammididampangan. La'bih melo ia joo rara na ia to rarana Habel to mpeta'dai anna dipabalahhi to kakanna.

Ibrani 1:1

Ia tonna anu' buda cara tuli napake Puang Allataala ssua nabi mparatuanni kadan-Na lako tojolota'.

Ibrani 9:13

Ia to rara beke bulolo' ba'tu rara sapin balian ba'tu au anak sapin mangka dipassompan dipake mpi'pikkii to tocarepa situru' atoranna Nabi Musa, anna wa'ding ssompa Puang. Na ia ke ia joo rara ba'tu au wa'ding mpemaceroi tocarepa situru' atoranna Nabi Musa, la'bih pole' opa ia to rara-Na Almaseh wa'ding mpemaceroi apa to lan penawanta' antawa'ding massompa lako Puang Allataala to tuo, sanga te'damo taparallu ssompai mpake atoran passompan to te'da bua'na. Ia to rara-Na Almaseh wa'ding mpugaukki susi joo, nasaba' ia to Almaseh te'da kasalan-Na. Napatujui Roh Allataala to tuo tarruh to Almaseh napassompan kalena lako Puang Allataala susi karoba te'da caccana.

Ibrani 9:18

Susi toomi joo denpi olok-olok mate digere' na ia to rarana mpaassahhi to basse jolo.

Ibrani 10:22

Iamo joo la matappa' tonganki' na la lantuk tongan penawanta' mangngolo lako Puang Allataala, nasaba' mangkamiki' dipaccingngi mpake wai malinnong anna la'pahmiki' jio mai kasalanta'.