Ibrani 9:10 - Alkitab Duri

¹⁰ Sanga ia joo atoran passompan, susi una to atoran pemali to dikandena na diiso'na sola mangrupa-rupa atoran mangpemacero, te'da kasiumputanna sunga', apa napangben Puang Allataala dikua naturu'i taun-Na sanggenna dipaden to basse baru.

Ibrani 9:10 Referans Kwoze

Kolose 2:16

Iamo joo danggi' naden tau mpasala kamu', sanga te'da mituru' pemali kumande ba'tu nniso', ba'tu atoran allo lompona agama, pangramean bulan mane' ollong ba'tu Allo Katorroan.

Efesus 2:15

Nata'dei to atoran agama to-Yahudi sola parentana, dikua anna mpupenjaji mesa'ki' bangsa baru to memmesa' sola Ia. Susimi joo carana mpasikalinoi to to-Yahudi na bangsa tangngia to-Yahudi.

Ibrani 7:16

Te'da nadiangka' situru' atoran tolino, apa diangka'i sanga kuasa katuoan-Na to te'da cappa'na.

Ibrani 10:22

Iamo joo la matappa' tonganki' na la lantuk tongan penawanta' mangngolo lako Puang Allataala, nasaba' mangkamiki' dipaccingngi mpake wai malinnong anna la'pahmiki' jio mai kasalanta'.

Ibrani 9:1

Ia to basse jolo-Na Puang Allataala, den atoran passompan, na den too tenda passompan panggaraga tolino.

Ibrani 2:5

Te'da nabenni kuasa Puang Allataala to malaeka' la mangparenta keanu' lan Lino Baru to kupau tee too.

Ibrani 13:9

Danggi' mieloranni to mangrupa-rupa pangngajaran to sisala Kareba Kasalamatan mpatuju sala kamu'. Iara to kameloan penawan-Na Puang Allataala to la mpamawatang penawanta', tangngiara kande. Ia joo atoran kande te'da lalomo bua'na lako tonturu'i.

Ibrani 6:2

ba'tu bungah pangngajaran laen susinna to pangjioran, kapanglullungan pala', katuoan pole' jio mai kamatean, ba'tu pangsessa te'da cappa'na.

Efesus 1:10

Ia to akkatta-Na kumua sininna apa la jao suruga, la lanna lino, la menjaji mesa' na Almaseh menjaji kapalana. La napugaukki Puang Allataala joo ke nadete'mi wattunna.

Galatia 4:9

Apa ia tee too, umbora mikua mimadoang bangpa mengkaunan pole' lako tuu lako dewata, na miissenmo to Puang Allataala, ba'tu la'bih manassa ke dikua naissenmo kamu' Puang Allataala. Mipugauk bang unapa to mpattantu allo, bulan, wattu, na taun minii mangmaroah-roah. Na ia tuu lako dewata te'da bua'na na te'da nakullei mpupenjaji kamu' tomelo.

Ibrani 7:12

Jaji, ia ke ia to imang bati'na Lewi mangka disullei imang laen, ia to atoran agama to-Yahudi la disulle toda ia.