Ibrani 8:1 - Alkitab Duri

¹ Ia to garonto'na sininna tee kupau: Iamo to Imang Lompota' cumadokko jao suruga jio sa'de kanan-Na Puang Allataala to kaminang makuasa, anna mangparenta sola.

Ibrani 8:1 Referans Kwoze

Kolose 3:1

Angahhi to apa jao suruga to nanii Almaseh cumadokko mangparenta jio sa'de kanan-Na Puang Allataala, nasaba' wa'ding dipau kumua dipatuo pole'mo kamu' jio mai kamatean sola Almaseh.

Ibrani 1:3

Iamo joo Anak to mpapajanni lako kita' to kamala'biran-Na Puang Allataala. Ia to sipa'-Na sola kuasan-Na susi una sipa'-Na sola kuasan-Na Puang Allataala. Ia toomo nnampaii tee lino mpake kada makuasan-Na na te'da natiseran. Ia tonna mangkamo mate la ndampangan tolino, cumadokkomi jao suruga jio sa'de kanan-Na Puang Allataala to kaminang makuasa namangparenta.

Pengkitanna Yahya 3:21

Ia to topatalo kueloran cumadokko jio sa'de-Ku' jao cadokkoan mala'bih-Ku' mangparenta. Susi Aku' patalomo' na cumadokkomo' sola Ambe'-Ku' jao cadokkoan mala'bih-Na kumangparenta sola.

Ibrani 12:2

La tapugaukmi tapatuju lakoi Puang Isa to penawanta', to mpadenni to kamatapparanta', napupenjajiki' masaranian. Gaja mesirisan joo kamatean jao kaju sitamben. Apa moi nasusi joo te'da nasipattekanni, sanga ia manda naingaran to kamasannangan la naperasai undinna. Na ia tee too cumadokkomi jio kananna cadokkoan mala'bih-Na Puang Allataala namangparenta sola.

Ibrani 2:17

Jaji, mentolinomo to Puang Isa namenjaji susi tolino, anna wa'ding menjaji Imang Lompo mangpakamoja', to njama tarruh jaman-Na Puang Allataala. Na ia ke susii joo, wa'dingngi mpasikalino Puang Allataala na tolino na ndampangan too tolino.

Ibrani 10:12

Apa ia to Almaseh pissenri mpassompan kalena la ndampangan tolino, na ia joo pangkaroban te'da naparallu didadu'. Mangkai joo too cumadokkomi jio sa'de kanan-Na Puang Allataala namangparenta sola.

Ibrani 1:13

Moi mesa' malaeka' te'da nakuan Puang Allataala kumua, “Cumadokkoko ntee sa'de kanan-Ku', angkupupentalo ngasanni to ewalim-Mu mukuasaii.”

Efesus 6:20

Naangka'na' Puang Allataala menjaji pesuan-Na. Na ditarungkumo' tee too, nasaba' kupangpeissenanni to Kareba Kasalamatan. Passambajanganna' angkubarani mpangpeissenanni, susi to sipato'na la kupau.

Markus 16:19

Ia tonna mangkamo Puang Isa sipangkada sola anak gurun-Na, tiangka'mi de' suruga, na cumadokko jio sa'de kanan-Na Puang Allataala.

Ibrani 3:1

Ee, todipusile'to padangku' tomatappa' to mangkamo napilei Puang Allataala la mentama suruga! Ingaran meloi to sipa'-Na Puang Isa to takatappa'i, to napattantu Puang Allataala menjaji Rasulu' na Imang Lompo lan agamanta'.

Ibrani 4:14

Denmo Imang Lompo tomala'bihta' to malemo de' suruga mangngolo lako Puang Allataala, iamo to Puang Isa, Anak Allataala. Iamo joo la matappa' tarruhki' na danggi' tapessakkannii kumua tangngia Puangta' to Puang Isa.