Ibrani 7:16 - Alkitab Duri

¹⁶ Te'da nadiangka' situru' atoran tolino, apa diangka'i sanga kuasa katuoan-Na to te'da cappa'na.

Ibrani 7:16 Referans Kwoze

Kolose 2:20

Wa'ding dipau kumua mangkamo kamu' mate sola Almaseh, battuananna dila'paranmo kamu' jio mai kuasanna sininna tomakuasa ba'tu tomangparenta jao langi' to ngkuasai lino. Ia ke susii joo, ciapari mituru' unapi joo atoran susi to napugauk totangnturu' Puang?

Pengkitanna Yahya 1:18

Aku'mo to tuo! Mangkamo' mate, apa tuo pole'mo' te'da cappa'na. Ngkuasaina' kamatean sola lino tomate.

Ibrani 10:1

Ia joo atoran agama to-Yahudi bajo-bajona bangra joo kasalamatan la ratu, jaji tangngiapa to sitonganna. Te'da nakullei joo atoran mpupenjaji meloi to tompassompan karoba lako Puang Allataala, moi narundun taun tuli ndadu'i massompa susi joo.

Ibrani 7:28

Situru' atoranna Nabi Musa ia to tolino biasa diangka' menjaji Imang Lompo moi naden caccana ba'tu kakuranganna. Apa ia to sapah-Na Puang Allataala, to dipau undi na ia to atoranna Nabi Musa, nnangka'i joo Anak to te'da caccana ba'tu te'da kakuranganna menjaji Imang Lompo. Ia joo Anak mangkamo napupenjaji Tomangpasalama' te'da cappa'na.

Ibrani 7:3

Ia tee imang Melkisedek te'da bang apa diissen to jiona kalena, la tomatuanna ba'tu nunnungan nenena, te'da ia pamulanna, na te'da too cappa'na to katuoanna. Susii Anak Allataala, sanga tatta'i imang te'da cappa'na.

Kolose 2:14

Nata'dei Puang Allataala to sura' dinii nnuki'i to sininna panggaukanta' to ntengkai pakkaeloran-Na to dipake mparapa'ki'. Napugaukki susi joo, nasaba' kamatean-Na Almaseh jao kaju sitamben.

Galatia 4:9

Apa ia tee too, umbora mikua mimadoang bangpa mengkaunan pole' lako tuu lako dewata, na miissenmo to Puang Allataala, ba'tu la'bih manassa ke dikua naissenmo kamu' Puang Allataala. Mipugauk bang unapa to mpattantu allo, bulan, wattu, na taun minii mangmaroah-roah. Na ia tuu lako dewata te'da bua'na na te'da nakullei mpupenjaji kamu' tomelo.

Galatia 4:3

Susi toomi kita', ia tonna jolona susipiki' pea napukaunan dewata lan tee lino.

Ibrani 7:21

Apa massapah Puang Allataala anna diangka' Puang Isa menjaji imang. Ia joo wattu nakuanni Puang Allataala, “Aku' Puang massapahmo, na te'da kulassullei kadang-Ku', ‘Ikomo to imang te'da cappa'na.’ ”

Ibrani 7:17

Sanga den diuki' lan Sura' Allataala kumua, “Ikomo to imang te'da cappa'na, susi imang Melkisedek.”

Roma 7:14

Taissen kumua ia to atoranna Nabi Musa pole jio mai Roh Allataala. Apa aku' tee tolino malammana', nasaba' susimo' todibaluk napukaunanmo' kuasa dosa.

Ibrani 7:15

Manassamo kumua te'da nakullei to imang bati'na Lewi mpupenjaji tomelo tau, sanga naangka'mo Puang Allataala to mesa' imang laen susi imang Melkisedek.