Ibrani 7:1 - Alkitab Duri

¹ Raja joo Melkisedek jio kota Salem tonna anu' na imang tooi to nnurusu' kamassompan lako Puang Allataala to kaminang mala'bih. Ia tonna polemo Nabi Ibrahim mangrari ntalo ba'tu pira-pira raja, malemi imang Melkisedek ntammuii nabarakka'ii.

Ibrani 7:1 Referans Kwoze

Ibrani 6:20

Najoloanmiki' Puang Isa lako ntuu joo, na menjaji Imang Lompota' te'da cappa'na, susi imang Melkisedek.

Markus 5:7

Nasuai Puang Isa joo setang, nakua, “Ee, setang, messunko lan mai tee tau!” Metambai joo setang nakua, “Oo, Puang Isa, Anak Allataala to kaminang makuasa! La tapatumbamora' tee? Nakitana' Puang Allataala, meta'dana' danggi' dikka' tacallana'!”

Daniel 5:18

Nakua toopa Daniel, “Ie', ia to Nebukadnezar ambe'ta', Allataala Tomala'bih mpupenjajii raja lompo Nabenni kakuasan, kamawatangan sola kamala'biran.

Jamanna Rasulu' 16:17

Meundi tarruh bang lako kami', metamba nakua, “Ee! Ia tee mai tau kaunan-Na Puang Allataala to kaminang matande. Ratui mpauan kamu' umbo dikua ammisalama'.”

Daniel 5:21

Diula'ii jio mai tangngana tau na dipupangngakkalan olok-olok. Torroi sola keledai lampung nangkande reu susi sapin, namamma' jio tangnga rante, nabosokki ambun. Naarannai mangngaku kumua, ‘Allataala Tomala'bih ngkuasai kaparentanna tolino, mben kakuasan lako inda-inda to Nakabudai.’

Daniel 4:2

Masannangna' la mpangpeissenan tanda mejangngaran to Napajaji Allataala Tomala'bih lako kaleku'.

Ibrani 7:2

Nabenni Nabi Ibrahim tawa sangpulona sininna to apa narampa. (Ia to imang Melkisedek disanga “Raja Kamarurusan”, sanga ia to kada melkisedek battuananna raja kamarurusan. Disanga tooi “Raja Kasikalinoan”, sanga rajai jio kota Salem, na salem battuananna kasikalinoan.)

Ibrani 7:3

Ia tee imang Melkisedek te'da bang apa diissen to jiona kalena, la tomatuanna ba'tu nunnungan nenena, te'da ia pamulanna, na te'da too cappa'na to katuoanna. Susii Anak Allataala, sanga tatta'i imang te'da cappa'na.

Ibrani 7:6

Apa ia to imang Melkisedek tangngia bati'na Lewi. Moi nasusi joo nnampa' toda tawa sangpulona to apa narampa Nabi Ibrahim. Puang Allataala mpau basse-Na lako Nabi Ibrahim. Moi nasusi joo ia to Nabi Ibrahim nabarakka'i imang Melkisedek.