Ibrani 6:9 - Alkitab Duri

⁹ Ee, tomala'bihku' to kupakamoja'! Moi angkimangkada susi joo, apa kikatappa'i kumua ia to kamu' susi to padang nabarakka'i Puang Allataala ammimangnguju lako kasalamatan.

Ibrani 6:9 Referans Kwoze

Ibrani 10:39

Ia tee kita' tangngiamiki' to tolamembalik pole' antamasolang, sibalikanna tomatappa'miki' lako Puang Allataala antadipasalama'.

Ibrani 2:3

Apa pole'pi kita', ia ke te'da taingaran meloi joo Kareba Kasalamatan, tantu te'da talala'pah jio mai pangsessa. Sanga la'bih melo joo Kareba Kasalamatan na ia joo atoran naparatu malaeka' tonna anu'. Puang Isa Ia to bungah mpangpeissenanni, na mangkamiki' napauan tuu lako tobungah ssa'dingngi, antaissenni kumua tongan.

2 Korintus 7:10

Ia to kamassean, to naperasai tau situru' pakkaeloran-Na Puang Allataala, mpabalik penawa. Na ia ke balikmi to penawa, te'damo tau mpenassannii, nasaba' la nnampa' kasalamatan. Sibalikanna ia to kamassean, to naperasai tolino to tangnturu' Puang, te'da na mpabalik penawa, apa mpadenri kamatean.

Ibrani 10:34

Na turu' kamu' mpumasussai to toditarungku. Ia tonna rampai kamu' tau to apammi, micanninganni ati, sanga miissen kumua den unapa to apa miampui, iamo to nabassean kamu' Puang Allataala. La'bih melo ia joo, sanga te'da nalata'de.

Ibrani 5:9

Susimi joo nadipupenjaji Tomangpasalama' te'da caccana ba'tu kakuranganna to mben katuoan melo te'da cappa'na lako tomengkaturu' lako Ia.

1 Korintus 10:14

Ee, tokupakamoja'! Iamo joo danggi' misompa dewata.

Jamanna Rasulu' 20:21

Tuli kupangngingaran la lako to-Yahudi na lako bangsa laen anna mengkatoba' jio mai dosana, na mpangben kalena lako Puang Allataala, na matappa' lako Puangta' Puang Isa.

Markus 16:16

Ia to tongkatappa'ii na dijio', la salama', nasaba' te'damo nadireken to salana, apa ia to tote'da nakatappa'ii la nasessa Puang Allataala.

Ibrani 6:10

Te'da natangmaruruh to Puang Allataala. Te'da natangnningaranni to apa mipugauk, iamo to pangpakamoja'mi to mipangpekitan lako kale-Na tommitulung padammi tomatappa', la jolona, la ia too allo.

Galatia 5:6

Ia ke sirapumiki' Puang Isa Almaseh, te'damo silaenanna todisunna' ba'tu totangdisunna'. Apa ia to parallu, iara to kamatapparan lako Puang Isa Almaseh, to napamanassa kasipakamojatanta' padanta' rupa tau.

Jamanna Rasulu' 11:18

Mangkanna nasa'ding joo, napahangmi. Mpakala'bihmira Puang Allataala nakua, “Ianna susi joo, moi pale' bangsa tangngia to-Yahudi natarima toomi Puang Allataala, ke mengkatoba'i jio mai dosana, anna benni katuoan melo te'da cappa'na.”

2 Korintus 7:1

Ee, tomala'bihku' to kupakamoja'! Ia joo basse-Na Puang dipatujui ngasanki'. Iamo joo danggi'mo tapugauk sininna panggaukan sola pikkirisan tangmelo. La takalaja' takasiri' to Puang Allataala, anna te'da caccata' naputau mesaki'.

2 Korintus 12:19

Mbai misangai kumua sininna tee kuukiran kamu' mpangngewankan kaleki' jio olomi. Ee, tokupakamoja'! Puang Allataala ngkitakan kumua sitonganna sininna tee apa kiuki' situru'ra pakkaeloran-Na Almaseh. Na sininna to kiuki' ba'tu kipugauk, la napumawatang kamatapparanmi.

1 Petrus 2:11

Ee, tomala'bihku' to kupakamoja'! Susi kamu' tomambela ratu sompa' lan tee lino natorro susi toratu lan tangnga-tangngana totangnturu' Puang Allataala. Iamo joo meta'da tonganna' lako kamu' kumua, danggi' mituru' bangngi to kamadoangan gaja'mi to tuli hhalangngi kamu' manggauk melo.

2 Petrus 3:1

Ee, tomala'bihku' to kupakamoja'! Mangpenduannamo tee sura' kukiringan kamu'. Ia to issinna tee dua sura' kupangngingaran kamu' to pangngajaran tongan anna ia to pikkirisanmi situru' pakkaeloran-Na Puang Allataala.

1 Yahya 2:7

Ee, tomala'bihku' to kupakamoja'! Ia tee kuuki', tangngiara parenta baru. Parenta masaimo tee, to mangkamo dipangpeissenan lako kamu' tommimane' matappa' lako Puang Isa. Ia joo parenta iamo to mangkamo misa'ding kumua la sipakamoja'ki'.

Yudas 1:3

Ee, tomala'bihku' to kupakamoja'! Ia to pattujungku' nnukiran kamu' sura', iamo to la mpaui to kasalamatan tatarimamo. Apa kukita tee too, la'bih paralluna' mpangngingaran kamu' lan tee sura'ku', ammitatta' mpangngewai pangngajaran tongan. Ia joo pangngajaran pissenri Puang Allataala mpabarakkannii to umma'-Na.